9 Afei Yehowa ka kyerɛɛ Mose sɛ: “Hwɛ, mɛba wo nkyɛn wɔ omununkum tumm+ mu na sɛ me ne wo rekasa a ɔman no ate,+ na wɔagye wo nso adi daa.”+ Afei Mose de nsɛm a nkurɔfo no kae too Yehowa anim.

25 Monhwɛ yiye na moantwe mo ho amfi nea ɔrekasa no ho.+ Na sɛ wɔn a wɔtwee wɔn ho fii nea ɔmaa wɔn Onyankopɔn ahyɛde wɔ asase so ho no antumi anguan+ a, yɛn de, sɛ yɛdan yɛn akyi kyerɛ nea ofi soro kasa+ no a, ɛbɛyɛ den paa ama yɛn.