12 Na Yehowa ka kyerɛɛ Mose sɛ: “Foro kɔ bepɔw a ɛwɔ Abarim yi so,+ na kɔhwɛ asaase a mede bɛma Israelfo no.+ 13 Sɛ wuhu wie a, wɔde wo bɛkɔ akɔka wo nkurɔfo ho*+ sɛnea wɔyɛɛ wo nua Aaron no,+ 14 efisɛ bere a asafo no ne me hamee wɔ Sina sare so no, meka kyerɛɛ mo sɛ munni me ni wɔ asafo no anim mma wonhu sɛ meyɛ kronkron na momma wɔn nsu, nanso moyɛɛ asoɔden.+ Eyi ne Meriba nsu+ a ɛwɔ Kades+ wɔ Sina sare so+ no.”

37 (Mo nti, Yehowa bo fuw me mpo, na ɔkae sɛ, “Wo nso worenkɔ hɔ bi.+

26 Nanso mo nti, Yehowa bo a efuw me no, na ennwoe,+ enti wantie me. Mmom Yehowa ka kyerɛɛ me sɛ, ‘Twa so! Mmɔ asɛm yi so nkyerɛ me bio.

51 efisɛ mo baanu no anni me nokware wɔ Israelfo mu bere a mowɔ Meriba nsu+ a ɛwɔ Kades no ho wɔ Sina sare so no; moanyɛ me kronkron wɔ Israelfo no mu.+ 52 Wode w’ani behu asaase a mede rema Israelfo no wɔ akyirikyiri, nanso wo nan rensi hɔ.”+

4 Ɛnna Yehowa toaa so ka kyerɛɛ no sɛ: “Asaase yi na mekaa ntam kyerɛɛ Abraham, Isak, ne Yakob sɛ, ‘Mede bɛma w’asefo’* no.+ Mama wode w’ani ahu, nanso worentwa nkɔ hɔ.”+

2 “M’akoa Mose awu.+ Afei sɔre na wo ne nnipa yi nyinaa ntwa Asubɔnten Yordan yi nkɔ asaase a mede rema Israelfo no so.+