15 O Yehowa, hena na ɔbɛsoɛ wo ntamadan mu?
Hena na ɔbɛtena wo bepɔw kronkron no so?+
2 Nea ne ho nni asɛm,+
Ɔyɛ adetrenee,+
Na ɔka nokware wɔ ne koma mu.+
3 Ɔmfa ne tɛkrɛma nkeka nkurɔfo ho nsɛmmɔne,+
Ɔnyɛ ne mfɛfo bɔne biara,+
Na ne nnamfo nso, ɔnsɛe wɔn din.+
4 Ɔne ahuhufo nnantew,+
Na odi wɔn a wosuro Yehowa no ni.
Sɛ ɔhyɛ bɔ na etia no mpo a, ɔnsesa n’ano.+
5 Ɔde ne sika bɔ bosea a, onnye nsiho,+
Na onnye nea ne ho nni asɛm nkyɛn adanmude.+
Onipa a ɔte saa no renhinhim da biara da.+