22 Ná Eli abɔ akwakoraa posoposo, nanso nea na ne mma mmarima no de yɛ Israelfo nyinaa no, na wate ho asɛm.+ Afei nso, na wate sɛ mmea a wɔsom wɔ ahyiae ntamadan no ano no, ne mma no ne wɔn da.+ 23 Nea na daa ɔka kyerɛ wɔn ne sɛ: “Adɛn nti na moyɛ saa? Mo ho nsɛm a mete fi ɔmanfo no nyinaa hɔ nye. 24 Daabi, me mma, mo ho nsɛm a meretete wɔ Yehowa man mu no nye. 25 Sɛ onipa yɛ ne yɔnko nipa bɔne a, obi betumi asrɛ Yehowa ama no, nanso sɛ onipa yɛ Yehowa bɔne+ a, hena na obetumi abɔ mpae ama no?” Ne nyinaa akyi no, wɔantie wɔn papa, efisɛ na Yehowa ayɛ n’adwene sɛ obekunkum wɔn.+

8 Bere a Samuel bɔɔ akwakoraa no, ɔde ne mma sisii Israel so ma wɔyɛɛ atemmufo. 2 N’abakan din de Yoel, na nea ɔto so abien no din de Abia,+ na wobuu atɛn wɔ Beer-Seba. 3 Nanso ne mma no amfa n’akwan so; wodii mfaso bɔne+ akyi, wogyee adanmude,*+ na wɔkyeaa atemmu.+

14 Ntɛm ara na Dawid ka kyerɛɛ ne nkoa a wɔka ne ho wɔ Yerusalem no nyinaa sɛ: “Monsɔre mma yenguan,+ anyɛ saa na Absalom bɛto yɛn a, obiara remfa ne ho nni! Monka mo ho, na wammɛto yɛn anyɛ yɛn pasaa, na wamfa sekan ankunkum kurow yi mufo!”+