Ɔwɛn-Aban INTANƐT SO NHOMAKORABEA

Ɔwɛn-Aban INTANƐT SO NHOMAKORABEA

INTANƐT SO NHOMAKORABEA

Yesaia 4:2

Kyerɛw Kronkron—Wiase Foforo Nkyerɛase
- 2 Ɛda no, nea Yehowa bɛma afifi* no bɛyɛ fɛ na anya anuonyam, na Israelfo a wɔanya wɔn ti adidi mu no de asaase no so aba bɛhoahoa wɔn ho, na ɛbɛyɛ wɔn fɛ.+

Yesaia 27:6

Kyerɛw Kronkron—Wiase Foforo Nkyerɛase
- 6 Nna bi bɛba a Yakob begye ntini,
  Israel bɛfefɛw agu nhwiren,+
  Na wɔde nnɔbae bɛhyɛ asaase no so ma.+

Yesaia 35:6

Kyerɛw Kronkron—Wiase Foforo Nkyerɛase
- 6 Saa bere no, apakye behuruw sɛ ɔwansan,+
  Na mum tɛkrɛma de anigye abɔ ose.+
  
  Nsu betue sare so,
  Na nsubɔnten asen asaase pradadaa so.

Yesaia 51:3

Kyerɛw Kronkron—Wiase Foforo Nkyerɛase
- 3 Yehowa bɛkyekye Sion werɛ.+
  
  Ɔbɛkyekye ne nkurow a asɛe nyinaa werɛ,+
  Na ɔbɛma ne sare ayɛ sɛ Eden+
  Na n’asaase pradadaa ayɛ sɛ Yehowa turo.+
  
  Anigye ne ahurusi,
  Aseda ne nnwom a ɛyɛ dɛ bɛyɛ no ma.+

Hesekiel 36:35

Kyerɛw Kronkron—Wiase Foforo Nkyerɛase
- 35 Na nkurɔfo bɛka sɛ: “Asaase a na asɛe pasaa no abɛyɛ sɛ Eden turo,+ na nkurow a edwiriw gui na ɛdan amamfo no, wɔato ho ɔfasu, na nnipa abɛtena mu.”+