Ɔwɛn-Aban INTANƐT SO NHOMAKORABEA

Ɔwɛn-Aban INTANƐT SO NHOMAKORABEA

INTANƐT SO NHOMAKORABEA

Yeremia 2:8

Kyerɛw Kronkron—Wiase Foforo Nkyerɛase
- 8 Asɔfo no ammisa sɛ, ‘Yehowa wɔ he?’+
  
  Wɔn a wɔkyerɛkyerɛ Mmara no nso, na wonnim me,
  Nguanhwɛfo no tew me so atua,+
  Adiyifo no hyɛɛ nkɔm wɔ Baal din mu,+
  Na wɔn* a wɔamfa mfaso biara ammrɛ wɔn no, wɔn na wodii wɔn akyi.

Yeremia 8:10-12

Kyerɛw Kronkron—Wiase Foforo Nkyerɛase
- 10 Ɛno nti, mede wɔn yerenom bɛma mmarima foforo,
  Na mede wɔn nsaase bɛma nkurɔfo;+
  Efisɛ efi akumaa so kosi ɔkɛse so, obiara pɛ mfaso bɔne;+
  Efi odiyifo so kosi ɔsɔfo so, wɔn nyinaa bu nkurɔfo fa so.+
  
  11 Wɔsa me man babea akuru biarabiara,* na wɔka sɛ,
  “Asomdwoe wɔ hɔ! Asomdwoe wɔ hɔ!”
  
  Nanso asomdwoe biara nni hɔ.+
  
  12 Akyiwade a wɔayɛ no, ɛyɛ wɔn aniwu anaa?
  
  Ɛnyɛ wɔn aniwu koraa!
  
  Wɔn ani mmu wɔn dwɛ!*+
  
  Ɛno nti, wɔbɛhwehwe ase wɔ wɔn a wɔahwehwe ase mu.
  
  Na ɛda a mɛba abɛtwe wɔn aso no, wobehintihintiw,”+ Yehowa na waka.

Yeremia 23:11

Kyerɛw Kronkron—Wiase Foforo Nkyerɛase
- 11 “Odiyifo ne ɔsɔfo nyinaa ho agu fĩ.*+
  
  Mahu wɔn amumɔyɛ no bi wɔ me fi mpo,”+ Yehowa asɛm ni.

Mika 3:5

Kyerɛw Kronkron—Wiase Foforo Nkyerɛase
- 5 Eyi ne asɛm a Yehowa aka atia adiyifo a wodi me nkurɔfo anim ma wɔfom kwan no,+
  Wɔn a wonya biribi de wɔn se ka* a,+ wɔka sɛ ‘Asomdwoe!’+
  Nanso sɛ obi amfa biribi anhyɛ wɔn anom a, wɔde ɔko tentam no:*

Mika 3:11

Kyerɛw Kronkron—Wiase Foforo Nkyerɛase
- 11 Emu atitiriw* gye adanmude* bu atɛn,+
  Emu asɔfo kyerɛkyerɛ gye akatua,+
  Na emu adiyifo hyɛ nkɔm a ɛyɛ atoro gye sika*+
  
  Nanso wɔde wɔn ho to Yehowa so* ka sɛ:
  
  “Ɛnyɛ Yehowa na ɔka yɛn ho yi?+
  
  Mmusu biara remma yɛn so.”+

Sefania 3:4

Kyerɛw Kronkron—Wiase Foforo Nkyerɛase
- 4 N’adiyifo yɛ dwae,* na nnaadaa ayɛ wɔn ma.+
  
  N’asɔfo gu nneɛma kronkron ho fĩ;+
  Wɔmfa mmara no nyɛ hwee.+