3 Enti ɔteɛɛ ne nsa kaa no, na ɔkae sɛ: “Mepɛ! Wo ho ntɔ wo.”*+ Na amonom hɔ ara ne kwata no kɔe.+ 4 Ɛnna Yesu ka kyerɛɛ no sɛ: “Hwɛ na woanka ankyerɛ obiara;+ mmom kɔ na fa wo ho kɔkyerɛ ɔsɔfo no,+ na fa akyɛde* a Mose hyɛ too hɔ no ma,+ na ayɛ adanse ama wɔn.”

11 Sɛ ahonhom fĩ mpo+ hu no a, na wɔhwehwe ase wɔ n’anim teɛteɛm sɛ: “Wone Onyankopɔn Ba no.”+ 12 Na ɔka kyerɛɛ wɔn mpɛn pii sɛ wɔnhwɛ na wɔamma nkurɔfo anhu onipa ko a ɔyɛ.+

35 Ɛnna n’aso buei,+ na nea na ɛmma ontumi nkasa yiye no nso kɔe, na ofii ase kasaa yiye. 36 Na ɔbaraa wɔn sɛ wɔnnka nnkyerɛ obiara;+ nanso ɔrebara wɔn no, afei koraa na na wɔreka no kɛse.+