17 Afei bere a wɔnam kwan so reforo akɔ Yerusalem no, Yesu de asuafo 12 no kɔɔ nkyɛn, na ɔka kyerɛɛ wɔn sɛ:+ 18 “Hwɛ! Yɛreforo akɔ Yerusalem, na wobeyi onipa Ba no ama asɔfo mpanyin ne akyerɛwfo no, na wobebu no fɔ akum no.+ 19 Na wobeyi no ama amanaman mufo ama wɔadi ne ho agoru. Afei wɔbɛbɔ no mmaa, na wɔabɔ no asɛndua mu;+ na da a ɛto so abiɛsa no, wobenyan no.”+

31 Afei nso, ofii ase kyerɛkyerɛɛ wɔn sɛ, ɛsɛ sɛ onipa Ba no hu amane pii na mpanyimfo ne asɔfo mpanyin ne akyerɛwfo no po no, na wokum no,+ na ne nnansa so wasɔre.+

31 Efisɛ na ɔrekyerɛkyerɛ n’asuafo no, na ɔka kyerɛɛ wɔn sɛ: “Wobeyi onipa Ba no ahyɛ nnipa nsa, na wobekum no.+ Ɛwom sɛ wobekum no de, nanso nnansa akyi, obenyan.”+

22 na ɔkae sɛ: “Ɛsɛ sɛ onipa Ba no hu amane pii, na mpanyimfo ne asɔfo mpanyin ne akyerɛwfo no po no, na wokum no,+ na da a ɛto so abiɛsa no wɔanyan no.”+

31 Afei ɔde Dumien no kɔɔ nkyɛn, na ɔka kyerɛɛ wɔn sɛ: “Hwɛ! Yɛreforo akɔ Yerusalem, na nea wɔnam adiyifo no so akyerɛw afa onipa Ba no ho nyinaa bɛba mu.+ 32 Ebi ne sɛ, wobeyi no ama amanaman mufo+ ama wɔadi ne ho agoru,+ na wɔayeyaw no, na wɔatetew ntasu agu no so.+ 33 Na sɛ wɔbɔ no mmaa wie a, wobekum no,+ na da a ɛto so abiɛsa no, obenyan.”+