36 Afei Yesu ne asuafo no kɔɔ baabi a wɔfrɛ hɔ Getsemane,+ na ɔka kyerɛɛ wɔn sɛ: “Montena ha, na merekɔ noho akɔbɔ mpae+ aba.” 37 Na ɔfaa Petro ne Sebedeo mma baanu no kaa ne ho, na ne werɛ fii ase howee, na ne ho yeraw no yiye.+

39 Bere a opuei no, ɔkɔɔ Ngodua Bepɔw* no so sɛnea ɔtaa yɛ no, na asuafo no nso dii n’akyi.+ 40 Bere a woduu hɔ no, ɔka kyerɛɛ wɔn sɛ: “Mommɔ mpae na moankɔ sɔhwɛ mu.”+ 41 Na ɔtwee ne ho fii wɔn ho kɔɔ anim kakra,* na obuu nkotodwe, na ofii ase bɔɔ mpae.

18 Bere a Yesu kaa eyinom wiei no, ɔne n’asuafo no pue kotwaa Kidron Bon+ no, na wɔkɔɔ baabi a turo bi wɔ. Na ɔne n’asuafo no kɔɔ turo no mu.+