Deuteronomium
32 O ɔsoro, yɛ aso na menkasa;
Ma asaase nso ntie m’anom asɛm.
2 Me nkyerɛkyerɛ bɛtɔ te sɛ osu,
Na m’asɛm bɛsosɔ te sɛ obosu;
Ɛbɛyɛ sɛ osu a ɛretɔ brɛoo gu sare so
Ne osu a ɛregugu afifide
so yɔɔ.
Yɛn Nyankopɔn no, monka n’anuonyam ho asɛm!+
Wɔnyɛ ne mma; mfomso no fi wɔn ankasa.+
Wɔyɛ awo ntoatoaso a akɔntɔn na akyea!+
Ɛnyɛ ɔno ne mo Agya a ɔde mo baa wiase?+
Ɛnyɛ ɔno na ɔbɔɔ mo na ɔmaa mo ase timii?
7 Monkae tete no,
Monkae nea ɛtoo awo ntoatoaso a abɛsen kɔ no.
Bisa wo papa, na ɔbɛkyerɛ wo,+
Ne wo mpanyimfo, na wɔbɛka akyerɛ wo.
8 Bere a Ɔsorosoroni no de aman no agyapade maa wɔn,+
Ɔhwɛɛ Israel mma dodow+
Twaa ɔman biara hye maa no.+
11 Sɛnea ɔkɔre wosow ne buw,
Otu fa ne mma so,
Ɔtrɛw ne ntaban mu, na ɔfa wɔn
De wɔn gu ne ntaban so no,+
12 Saa ara na Yehowa nkutoo dii n’anim;*+
Ná onyame foforo biara nka ne ho.+
Ɔde ɛwo a efi ɔbotan mu maa no dii,
Na ɔmaa no ngo a efi ɔbotan a ɛyɛ den mu.
14 Ɔmaa no nantwi bɔta ne nguan nufusu,
Ne nguan a wodi mu paa,*
Ne Basan adwennini, ne mpapo,
Bobe mu nsu* na wonomee.
15 Bere a Yesurun* yɛɛ kɛse no, ɔyɛɛ asoɔden totow ne nan.
Yesurun, woayɛ kɛse, wo mu ayɛ duru, woabɔ ma.+
Enti ɔpoo Onyankopɔn a ɔyɛɛ no no,+
Na obuu ne nkwagye Botan no animtiaa.
17 Wɔbɔɔ afɔre maa ahonhommɔne,* na ɛnyɛ Onyankopɔn;+
Anyame a wonnim wɔn,
Anyame a wɔbae nkyɛe koraa,
Anyame a na mo agyanom nnim wɔn.
23 Mɛma wɔn haw adɔɔso,
Na wɔn so na mɛma m’agyan nyinaa akɔ.
Mɛsoma nkekaboa akɔ wɔn so,+
Ne awɔ a wɔwɔ mfuturu mu a wɔn ano wɔ bɔre.
25 Sekan bekunkum wɔn adɔfo wɔ abɔnten,+
Na wɔbɛbɔ hu wɔ dan mu;+
Mmerante ne mmabaa,
Nkokoaa ne wɔn a wɔafuw dwen nyinaa, ehu bɛka wɔn.+
26 Anka mɛka sɛ: “Mɛbɔ wɔn ahwete,
Na mɛma wɔn din ayera afi nnipa mu,”
Na wɔaka sɛ: “Yɛakyerɛ yɛn tumi,+
Ɛnyɛ Yehowa na ɔyɛe.”
29 Sɛ wonim nyansa a,+ anka wobedwen asɛm yi ho,+
Anka wobedwen nea ɛbɛto wɔn no ho.+
Gye sɛ wɔn Botan no atɔn wɔn,+
Na Yehowa ayi wɔn ama.
Wɔn bobe aba yɛ awuduru;
Wɔn bobe yɛ nwene.+
33 Wɔn nsã yɛ ɔwɔ bɔre,
Ɔprammiri bɔre a edi awu.
35 Me na mitua bɔne so ka,* enti me na metua ka+
Bere a wɔn nan awatiriw no,+
Efisɛ mmusu a ɛreba wɔn so no abɛn,
Na nea ɛda hɔ retwɛn wɔn no bɛba ntɛm.’
36 Yehowa bebu ne nkurɔfo atɛn+
Na ne nkoa asɛm bɛyɛ no mmɔbɔ,*+
Efisɛ obehu sɛ wɔn ahoɔden asa,
Na nnipahunu a wɔmfa wɔn nyɛ hwee nkutoo na wɔaka.
37 Afei ɔbɛka sɛ, ‘Wɔn anyame no wɔ he?+
Ɔbotan a wɔde no yɛɛ guankɔbea no wɔ he?
38 Wɔn na wodii wɔn afɔrebɔ srade no,
Na wɔnom wɔn afɔrebɔ nsã no.+
Ma wɔnsɔre mmoa mo.
Momfa wɔn nyɛ mo guankɔbea.
Mikum, na migye nkwa.+
41 Sɛ mesew me sekan hyɛnhyɛn no ano,
Na misiesie me ho ma atemmu a,+
Metua m’atamfo so ka+
Na matwe wɔn a wɔtan me no aso.
42 Mɛma mogya abow m’agyan,
Na me sekan bedi nam;
Ɛbɛnom wɔn a wɔakunkum wɔn ne wɔn a wɔakyere wɔn no mogya,
Na ebetwitwa wɔn a wodi atamfo anim no ti.’
43 Amanaman, mo ne ne man ani nnye,+
Obetua n’atamfo so ka,+
Obebisa ne nkoa mogya afi wɔn nsam,+
Na ɔbɛpata ama ne nkurɔfo asaase.”*
44 Afei Mose ne Nun ba Hosea*+ bɛkaa nnwom yi mu nsɛm nyinaa kyerɛɛ ɔman no.+ 45 Bere a Mose kaa nsɛm yi nyinaa kyerɛɛ Israelfo nyinaa wiei no, 46 ɔka kyerɛɛ wɔn sɛ: “Momma nsɛm a mede rebɔ mo kɔkɔ nnɛ yi nyinaa nna mo koma so,+ na moaka akyerɛ mo mma, na wɔadi Mmara yi mu nsɛm nyinaa so.+ 47 Nsɛm yi nyɛ nsɛnhunu, na mmom ɛno na mo nkwa gyina so,+ na nsɛm yi na ɛbɛma moatena ase akyɛ wɔ asaase a moretwa Yordan akɔfa no so.”
48 Yehowa ka kyerɛɛ Mose saa da no ara sɛ: 49 “Foro kɔ Abarim mmepɔw yi so+ kogyina Nebo Bepɔw+ a ɛwɔ Moab asaase so no so, beae a ɛne Yeriko di nhwɛanim no, na hwɛ Kaanan asaase a mede rema Israelfo no.+ 50 Na wubewu wɔ bepɔw a worekɔ so no so, na wɔde wo bɛkɔ akɔka w’agyanom ho,* sɛnea wo nua Aaron wui wɔ Hor Bepɔw+ so na wɔde no kɔkaa n’agyanom ho no, 51 efisɛ mo baanu no anni me nokware wɔ Israelfo mu bere a mowɔ Meriba nsu+ a ɛwɔ Kades no ho wɔ Sina sare so no; moanyɛ me kronkron wɔ Israelfo no mu.+ 52 Wode w’ani behu asaase a mede rema Israelfo no wɔ akyirikyiri, nanso wo nan rensi hɔ.”+