Ayamye Nnwuma De Anigye Ba

Ɛnkyɛe biara na Ɔwɛn-Aban no akyerɛwfo nsa kaa krataa a edi so yi:

“Awuranom:

“Ɔsram a etwaam no mu no obi wiaa me babea a onnii mfe aduonu no sika kotoku a ɔde ahyɛ ne bag a ɔde nhoma hyɛ mu nkyɛn no wɔ Philadelphia. Dapɛn a etwaam no mu no, ne nsa kaa nneɛma bi a wɔakyekyere a na ne sika kotoku no ne ne license ne nkrataa afoforo a ɛho hia ka ho a wɔde amana no. Obi a ɔmpɛ sɛ wɔbɔ ne din na ɔde nneɛma no manae, ɛwom sɛ na mo nsɛmma nhoma Ɔwɛn-Aban no biako ka ho. Oniiko a ofi onuadɔ mu san de sika kotoku no brɛɛ me ba bea no (fi onuadɔ kurow mu) no nam ɔhaw bi ne ɛka bi a ɔbɔe so na ɛyɛɛ saa. Me ne m’abusua no mufo nyinaa da saa ɔyamyefo no ase kɛse . . . ɛyɛ ɔkwan kɛse a wɔnam so ‘di adanse,’ titiriw no, wɔ me mma a wonnya nnii mfe aduonu no fam (wɔyɛ baasa) .”

Ɔwɛn-Aban no akenkan anya nnipa ɔpepem pii so nkɛntɛnso wɔ ɔkwan a mfaso wɔ ama wɔanya su ahorow a ɛne nokwaredi, ayamye, ne afoforo ho a wosusuw. Mprempren wotintim nea ɛba biara bɛboro ɔpepem 12 wɔ kasa horow bɛboro 100 mu. Wubetumi akra Ɔwɛn-Aban no afe biako, wubenya biako ɔsram biara, denam krataa a ɛwɔ ase hɔ no a wobɛhyehyɛ na wode ¢300 aka ho de amana no so.

Mesrɛ mo merekra Ɔwɛn-Aban afe biako. Mede ¢300 ahyem de retua ka.