Ankonam Bi

“WƆWOO no akuraa bi a ennyee din ase, ɔbea hiani bi ba. Onyinii wɔ akuraa foforo bi ase, beae a ɔyɛɛ adwuma wɔ duadwumfo adwumam kosii sɛ odii mfe aduasa. Afei okyinkyin kaa asɛm mfe abiɛsa.

“Wankyerɛw nhoma bi da. Wanyɛ aban adwuma da. Wanhyehyɛ abusua na wansi ofi da. Wankɔ kɔlege. Wanko kuropɔn bi mu da. Wamfi baabi a wɔwoo no no antu kwan antwa kilomita ahasa aduonu da. Wanyɛ nneɛma a obi de bata kɛseyɛ ho no bi da. Na onni nhomasua mu abodin nkrataa gye ɔno ankasa.

“Na wadi mfe aduasa abiɛsa pɛ na ɔmanfo abufuw baa no so. Ne nnamfonom guanee. Wɔdan no hyɛɛ n’atamfo nsa na wodii ne ho fɛw wɔ n’asenni mu. Wɔbɔɔ no [asɛndua] mu wɔ akorɔnfo baanu mfinimfini. Bere a ɔrewu no, wɔn a wokum no no bɔɔ n’atade, a ɛyɛ n’agyapade biako pɛ a na ɔwɔ wɔ asase so no so ntonto. Bere a owui no, wosiee no ɔboda bi a wɔfɛm denam adamfo bi mmɔborohunu so mu.

“Mfeha dunkron aba atwam, na nnɛ ɔda so ara yɛ adesamma abusua no mu onipa titiriw, adesamma nkɔso mu dikanfo. Sɛ wɔka asraafo nyinaa a wɔatu aprenten pɛn, po so asraafo nyinaa a wɔafa po so pɛn, mmarahyɛ baguafo nyinaa a wɔatra ase asusuw nsɛm ho pɛn, ahemfo a wɔadi tumi nyinaa pɛn born a, wonnyaa onipa asetra wɔ okyinnsoroma yi so nkɛntɛnso kɛse te sɛ saa ankonam bi no.”a​—An anonymous commentary on the life of Jesus Christ.

[Ase hɔ asɛm]