Nyan!—Ade a Wogyinaa so Yɛɛ Sɔhwɛ Bi

BERE a sukuufo a wɔwɔ Amerika Kesee Fam man Suriname mu buee wɔn nhomawa a sɔhwɛ a wɔyɛ de kɔ ntoaso sukuu wom mu July 1993 no, wohui sɛ ɛbɛyɛ mmerɛw ama wɔn a wɔkenkan Nyan! daa no asen afoforo. Nea enti a eyi te saa ne sɛ ɛkame ayɛ sɛ na nsemmisa a ɛwɔ nhomawa a ekura nkratafa 36 a Nhomasua Asoɛe no Ahyehyɛde a Ɛhwɛ Sɔhwɛ So hyehyɛe no mu fã gyina nsɛm abien a efi Nyan! mu so.

Asɛm a ɛne “Asese Nkurow—Ahokyere Bere wɔ Nkurow Akɛse mu Ahiafo Atrae” a epuee January 8, 1993 Nyan! mu no mu nsɛm baa nkratafa 1 kosi 9. Wobisaa nsɛm 21 wɔ saa asɛm no ho wɔ sɔhwɛ no mu. Ná nsemmisa 14 a ɛfa asɛm a ɛne sɛ, “Capybara—Mfomso Anaa Abɔde mu Anwonwade?,” a epuee September 22, 1992 Engiresi Nyan! mu ho wɔ sɔhwɛ nhomawa no nkratafa 10 kosi 16.

Ɔkyerɛkyerɛfo panyin bi a ɔwɔ Suriname atɔe fam kae sɛ: “Sukuu mpanyimfo no nam saa nsɛm yi a wɔde yɛɛ sukuufo no sɔhwɛ wɔ ɔman no nyinaa mu so akyerɛ sɛ wobu Nyan! sɛ ɛyɛ kasa mmara a ɛteɛ ne nsɛm a wotwa no tia ho nhwɛso.”

Sɛ wobɛpɛ sɛ wunya Nyan! a ɛba no bi anaasɛ wopɛ sɛ obi ba wo fie ne wo bɛbɔ saa asɛm yi ho nkɔmmɔ a, yɛsrɛ wo kyerɛw Watch Tower, Box 760, Accra, Ghana, anaa address a wɔahyehyɛ wɔ kratafa 5 no mu nea ɛfata.