Dɛn na Wunim Wɔ Yesu Ho?

Ɔbea bi a wadi mfe 84 a ɔwɔ United States kaa Onipa a Ɔsen Biara a Watra Ase Pɛn, Yesu Kristo asetra ho nhoma a ekura nkratafa 448 a mfonini ahorow wom, no ho asɛm sɛ: “Makenkan Bible no nyinaa wɔ mmere ahorow mu, na Onipa a Ɔsen Biara no aboa me ma mate me Bible akenkan no ase yiye.” Nhoma no ma Bible kyerɛwtohɔ ahorow a ɛfa Yesu asetra ho no di mũ ma ɔbea no.

Ɔkyerɛwee sɛ: “Nhoma no akenkan mfonoo me da. Makenkan no mpɛn ason, na mafi ase rekenkan bio. Yesu su ahorow a ɛkyɛn so no ka me koma. Sɛ mekenkan atiri a ɛfa Yesu asase so asetra mu dapɛn a etwa to no ho a, aninyanne a wɔde yɛɛ no, titiriw ɛrebɛka nnɔnhwerew kakraa bi ma wawu, ne amanehunu dua ho a owui no ma me werɛ how. Nanso, ɔhyɛɛ yɛn soro Agya, Yehowa, anuonyam.”

Wɔabɔ mmɔden sɛ wɔbɛka Yesu asase so asetra mu dwumadi biara a wɔakyerɛw wɔ Nsɛmpa anan no mu ho asɛm wɔ Onipa a Ɔsen Biara a Watra Ase Pɛn no mu. Ebetumi aboa wo ma woasua Yesu ho ade pii. Sɛ wopɛ sɛ wunya bi anaa wopɛ ofie Bible adesua a wuntua hwee a, yɛsrɛ wo, kyerɛw Watch Tower, Box 760, Accra, Ghana, anaa address a wɔahyehyɛ wɔ kratafa 5 no mu nea ɛfata.