Ɛhe Na Wubenya Nyansa De Abɔ Wo Bra Ama W’ani Agye?
“Sɛ mehwɛ nneɛma bɔne a ɛrekɔ so te sɛ akokoakoko, ohia, sɛnea yare teetee nnipa, ne sɛnea nkurɔfo yɛ mmofra ayayade no a, na me werɛ ahow. Kan no, sɛ mihu nneɛma saa a, na mete nka sɛ anidaso biara nni hɔ. Nanso seesei manya anidaso.”—RANI.a
Seesei Rani ani gye paa. Adɛn ntia? Wabehu sɛ, ade nyinaa so Tumfoɔ Nyankopɔn a ɔbɔɔ yɛn no na nyansa fi no. Enti sɛ obi pɛ nyansa de abɔ bra a, ɔno nko ara na obetumi de ama no. Nsɛm a ɛwɔ nhoma yi mu no bɛboa wo ama woahu sɛnea nyansa a efi Onyankopɔn hɔ no betumi ama . . .
w’ani agye wɔ w’abusua mu
asomdwoe atena wo ne afoforo ntam
woanya anigye ne akomatɔyam
woahu nea enti a nnipa hu amane na wowuwu
woanya anidaso sɛ nneɛma bɛyɛ yiye daakye
woahu Ɔbɔadeɛ no yiye na woabɛn no
Afei nso wubehu sɛ, ɛnyɛ nnipa kakraa bi pɛ na Ɔbɔadeɛ no de ne nyansa no bi ama wɔn, mmom obiara a ɔpɛ bi no, sɛ ɔhwehwɛ nko ara de a, ne nsa bɛka.
a Wɔasesa edin ahorow a ɛwɔ nhoma yi mu no.