Aware

Ɛho nhwɛso a ɛwɔ Bible mu:

• Ge 24:1-4, 7—Abraham a na wabɔ akwakoraa no sii ne bo sɛ ɔremma ne ba Isak nware Kaananfo a wɔnsom Yehowa no bi; mmom, ɔpɛɛ yere a ɔsom Yehowa maa no

• Ge 28:1-4—Isak ka kyerɛɛ ne ba Yakob sɛ mma ɔnnware Kaananni bea, mmom ɔnware ɔbea a ɔno nso som Yehowa

Ɛho nhwɛso a ɛwɔ Bible mu:

• 1Ah 11:1-6, 9-11—Ɔhene Solomon amfa Yehowa akwankyerɛ anyɛ adwuma, ɔwaree aman foforo so mmea, na ɔmaa wɔdan ne koma fii Yehowa ho. Ɛno nti, Yehowa bo fuw no

• Ne 13:23-27—Amrado Nehemia suasuaa Yehowa. Ne manfo a wɔaman afi Yehowa ho akɔwareware aman foforo so mmea no, ɔteɛɛ wɔn so, na ɔboaa wɔn ma wɔsesaa wɔn akwan

Ɛho nhwɛso a ɛwɔ Bible mu:

• 1Sa 25:2, 3, 14-17—Ná Nabal wɔ sika paa, nanso na n’asɛm yɛ den, na na n’ano yɛ yaw; enti ná ɛnyɛ ne so ne ne yere ne Abigail

• Mme 21:9—Sɛ yɛrekɔ aware, na yɛanhwehwɛ ɔhokafo a ɔfata a, yɛn ani rennye, na yɛrennya asomdwoe

• Ro 7:2—Ɔsomafo Paul kyerɛɛ mu sɛ, ɛwom sɛ bɔne wɔ mmarima ho de, nanso Yehowa ama wɔn kwan sɛ wɔnni wɔn abusua anim. Wei kyerɛ sɛ, sɛ ɔbea ware a, na wabɛhyɛ ne kunu ase. Enti ɔbea a n’ani da fam no, odwen ho yiye ansa na wapaw ɔbarima a ɔbɛyɛ ne kunu

Ɛho nhwɛso a ɛwɔ Bible mu:

• Mme 24:27—Ansa na ɔbarima bi bɛware na ebia wawo mma no, ɛsɛ sɛ ɔyɛ adwumaden a ɛbɛma watumi ahwɛ ne yere ne ne mma

Ɛho nhwɛso a ɛwɔ Bible mu:

• Ru 2:4-7, 10-12—Boas hwɛɛ sɛnea Rut yɛ adwuma, sɛnea nkurɔfo di ne ho adanse pa, suban a ɔda no adi wɔ fie, ne sɛnea ɔne Yehowa ntam ayɔnkofa te

• Ru 2:8, 9, 20—Rut hwɛɛ sɛnea Boas yam ye, sɛnea ɔyɛ afoforo adɔe, ne sɛnea ɔne Yehowa ntam te

Ɛho nhwɛso a ɛwɔ Bible mu:

• Mme 5:18, 19—Nneɛma bi wɔ hɔ a, awarefo nko ara na wɔwɔ hokwan sɛ wɔyɛ de kyerɛ sɛ wɔdɔ wɔn ho

• Nmd 1:2; 2:6—Bere a oguanhwɛfo no ne Sulamni ababaa no yɛɛ aware nhyehyɛe no, wɔkyerɛe sɛ wɔdodɔ wɔn ho, nanso wɔamma nna ho akɔnnɔ ampiapia wɔn amma wɔanyɛ biribi a ɛmfata

• Nmd 4:12; 8:8-10—Ná Sulamni ababaa no tumi hyɛ ne ho so, na na n’abrabɔ ho tew; ná ɔte sɛ turo a wɔato mu

Ɛho nhwɛso a ɛwɔ Bible mu:

• Ge 21:8-12—Ɛwom sɛ asɛm a Sara kae no, Abraham ani annye ho de, nanso Yehowa ka kyerɛɛ no sɛ ontie ne yere

• Mme 31:10, 11, 16, 28—Ɔyere pa a kyerɛwnsɛm yi ka ne ho asɛm no, ne kunu yɛ onyansafo, ɔnhyɛ ne so, na ɔnhwehwɛ ne ho mfomso; mmom, ogye ne yere di, na oyi no ayɛ

• Efe 5:33—Nsɛm a Yehowa maa ɔsomafo Paul kyerɛwee no ma yehu sɛ, ɛsɛ sɛ ɔyere hu na ɔte nka paa sɛ ne kunu dɔ no

Ɛho nhwɛso a ɛwɔ Bible mu:

• Mme 1:8; 1Ko 7:4—Onyankopɔn ama ɔyerenom ne mmaatan tumi bi wɔ abusua no mu

• 1Ko 11:3—Ɔsomafo Paul kyerɛkyerɛɛ mu sɛ, Yehowa nhyehyɛe mu no, obiara hyɛ obi tiyɛ ase gye ɔno a ɔyɛ ade nyinaa so Tumfo Nyankopɔn no

• Heb 13:7, 17—Asafo no mu no, ɛsɛ sɛ mmarima ne mmea nyinaa brɛ wɔn ho ase na wɔyɛ osetie ma wɔn a wɔdi wɔn anim no

Ɛho nhwɛso a ɛwɔ Bible mu:

• Ge 18:12; 1Pe 3:5, 6—Ná Sara bu ne kunu paa; ne koma mu mpo, na obu no sɛ ne “wura,” anaa nea odi abusua no anim ma wɔsom Yehowa

Ɛho nhwɛso a ɛwɔ Bible mu:

• Ge 24:62-67—Rebeka boaa ne kunu Isak maa ne werɛ kyekyee wɔ ne maame wu akyi

• 1Sa 25:14-24, 32-38—Abigail fi ahobrɛase mu srɛɛ Dawid sɛ onhu ɔne ne fiefo mmɔbɔ; nea ɔyɛe no bɔɔ ne kunu gyimifo no ne ne fiefo a aka no ho ban

• Est 4:6-17; 5:1-8; 7:1-6; 8:3-6—Ɔhemmaa Ester de ne nkwa too ne nsam kɔɔ ne kunu a ɔyɛ ɔhene no hɔ mprenu bere a na ɔmfrɛɛ no, na ɔsrɛɛ no sɛ ɔmmɔ Onyankopɔn nkurɔfo ho ban