Sika
Adɛn nti na ɛsɛ sɛ yɛhwɛ yɛn ho yiye paa wɔ sikanibere ho?
Dɛn na ɛwɔ Bible mu a ɛma yehu sɛ, sɛ obi yɛ adwuma de hwɛ n’abusua a, ɛnyɛ bɔne?
Ɔsɛ 7:12; 10:19; Efe 4:28; 2Te 3:10; 1Ti 5:8, 18
Ɛho nhwɛso a ɛwɔ Bible mu:
Ge 31:38-42—Nea ɛbɛyɛ a Yakob betumi ahwɛ n’abusua yiye no, oyii ne yam ne n’ase Laban yɛɛ adwuma; ɛwom sɛ Laban sisii Yakob de, nanso Yehowa amma Yakob brɛ anyɛ kwa
Lu 19:12, 13, 15-23—Yesu maa mfatoho bi, na ɛma yehu sɛ ne bere so no, na nkurɔfo taa de sika hyɛ nnwuma mu ma mfaso ba ho
Sɛ obi rekɔpɛ bosea anaasɛ ɔrebɔ obi bosea a, Bible mu nsɛm bɛn na obetumi de ayɛ adwuma?
Adɛn nti na ɛsɛ sɛ yɛhwɛ yiye na yɛansoa ka angu yɛn ho so?
Ɛho nhwɛso a ɛwɔ Bible mu:
Ne 5:2-8—Amrado Nehemia bere so no, na Yudafo no di wɔn nuanom a wɔde wɔn ka no ani paa
Mt 18:23-25—Yesu mfatoho no ma yehu sɛ, saa bere no sɛ obi de ka na wantua a, na wɔtumi twe n’aso
Sɛ yɛredwen ho sɛ yɛne obi a ɔyɛ onua anaa ɔnyɛ onua, anaasɛ yɛn busuani bɛbom ayɛ adwuma a, dɛn na ɛsɛ sɛ yedi kan yɛ?
Ɛho nhwɛso a ɛwɔ Bible mu:
Ge 23:14-20—Bere a Sara wui a Abraham repɛ baabi asie no no, ɔtɔɔ asaase ne ɔbodan tuaa ho ka wɔ adansefo anim sɛnea ɛbɛyɛ a akasakasa biara remma akyiri
Yer 32:9-12—Bere a odiyifo Yeremia tɔɔ asaase fii ne papa nua ba hɔ no, ɔne no yɛɛ so nkrataa wɔ adansefo anim; nkrataa no, ɔyɛɛ no mmienu