Asɛnka Adwuma

Adɛn nti na nokware Kristofo nyinaa ka wɔn gyidi ho asɛm kyerɛ nkurɔfo?

Mt 28:19, 20; Ro 10:9, 10; Heb 13:15

Hwɛ nea edidi so yi nso: Aso 1:8; 1Ko 9:16

Dɛn na ɛma yehu sɛ na asɛnka adwuma no hia Yesu paa?

Lu 8:1; Yoh 18:37

Ɛho nhwɛso a ɛwɔ Bible mu:
- Lu 4:42-44—Yesu kaa sɛ, asɛnka adwuma no nti na wɔsomaa no baa asaase so
- Yoh 4:31-34—Yesu kyerɛɛ mu sɛ, asɛnka adwuma no te sɛ aduan ma no

Mmarima a wɔwɔ hokwan wɔ asafo no mu nko ara na ɛsɛ sɛ wɔka asɛmpa no anaa?

Dw 68:11; 148:12, 13; Aso 2:17, 18

Ɛho nhwɛso a ɛwɔ Bible mu:
- 2Ah 5:1-4, 13, 14, 17—Israelni abeawa kumaa bi kaa Yehowa diyifo Elisa ho asɛm kyerɛɛ ne maame a na ɔne no te wɔ Siria no
- Mt 21:15, 16—Bere a mmarimaa bi kamfoo Yesu wɔ asɔrefie hɔ no, asɔfo mpanyin ne akyerɛwfo no ani annye ho, nanso Yesu maa wɔhui sɛ adwene a wɔkura no nye

Sɛn na asafo mu mpanyimfo betumi akyerɛkyerɛ wɔn nuanom Kristofo, na wɔaboa wɔn ama wɔaka asɛmpa no?

1Te 1:5, 6; 2Ti 2:2; 1Pe 5:2, 3

Sɛn na Yehowa ne Yesu boa yɛn ma yetumi yɛ asɛnka adwuma no?

2Ko 4:7; Flp 4:13; 2Ti 4:17

Ɛho nhwɛso a ɛwɔ Bible mu:
- Aso 16:12, 22-24; 1Te 2:1, 2—Ɛwom sɛ nkurɔfo tan ɔsomafo Paul ne wɔn a wɔka ne ho no ani, nanso Onyankopɔn boaa wɔn ma wɔkɔɔ so de akokoduru kaa asɛmpa no
- 2Ko 12:7-9—“Ɔhonam mu nsɔe” bi a ebetumi aba sɛ ɛyɛ yare teetee ɔsomafo Paul a ɔde nsi kaa asɛmpa no, nanso Yehowa hyɛɛ no den ma ɔkɔɔ so kae

Dɛn na ɛma Kristoni fata sɛ ɔka asɛmpa no?

1Ko 1:26-28; 2Ko 3:5; 4:13

Ɛho nhwɛso a ɛwɔ Bible mu:
- Yoh 7:15—Ná ɛyɛ Yesu kuromfo nwanwa sɛ Yesu ankɔ Rabifo sukuu biara nanso ɔwɔ nimdeɛ saa
- Aso 4:13—Ná nkurɔfo hu Yesu asomafo no sɛ wɔyɛ nnipa a wɔnsuaa nhoma, na wɔnyɛ nnipa titiriw biara; nanso na asomafo no de nsi ka asɛmpa no akokoduru so

Yɛyɛ dɛn hu sɛ Yehowa pɛ sɛ yɛtete afoforo ma wɔn nso ka asɛmpa no na wɔkyerɛkyerɛ nkurɔfo?

Mr 1:17; Lu 8:1; Efe 4:11, 12

Ɛho nhwɛso a ɛwɔ Bible mu:
- Yes 50:4, 5—Ansa na Mesia no reba asaase so no, Yehowa Nyankopɔn ankasa tetee no
- Mt 10:5-7—Bere a Yesu wɔ asaase so no, ɔtoo ne bo ase tetee n’asuafo no ma wɔkaa asɛmpa no

Asɛmpaka adwuma a wɔde ahyɛ yɛn nsa no, sɛn na ɛsɛ sɛ yehu no?

Mt 11:29, 30; 1Ti 1:12

Sɛ Kristoni yɛ asɛnka adwuma no a, sɛn na ɔte nka?

Lu 10:1, 17; Aso 13:48, 52; 15:3; 20:35

Sɛ yɛkɔ asɛnka a, dɛn ne dɛn na yɛka ho asɛm?

Mt 24:14; 28:19, 20; Aso 26:20; Adi 14:6, 7

Hwɛ nea edidi so yi nso: Yes 12:4, 5; 61:1, 2

Adɛn nti na Kristofo pa atoro nkyerɛkyerɛ ho ntama?

2Ko 10:4, 5

Ɛho nhwɛso a ɛwɔ Bible mu:
- Mr 12:18-27—Yesu ne Sadukifo no susuw Kyerɛwnsɛm no ho ma wɔhui sɛ, ɛmfa kwan mu sɛ wɔnnye owusɔre nni
- Aso 17:16, 17, 29, 30—Ɔsomafo Paul ne Atenefo no susuw Kyerɛwnsɛm no ho ma wɔhui sɛ abosonsom yɛ bɔne

Asɛnka adwuma no, yɛyɛ no sɛn?

Aso 5:42; 17:2; 20:20

Adɛn nti na yedi adanse wɔ baguam?

Yoh 18:20; Aso 16:13; 17:17; 18:4

Hwɛ Mme 1:20, 21 nso

Yɛyɛ dɛn hu sɛ yehia abotare ne animia na yɛatumi ayɛ asɛnka adwuma no?

Yes 6:9-11; 2Pe 3:9

Sɛ yɛka asɛmpa no a, adepa bɛn na efi mu ba?

Aso 14:20-22; 19:9, 10

Adɛn nti na ɛsɛ sɛ yɛyɛ krado sɛ, hokwan biara a yebenya no, yɛde bedi adanse?

1Ko 9:23; 1Ti 2:4; 1Pe 3:15

Ɛho nhwɛso a ɛwɔ Bible mu:
- Yoh 4:6, 7, 13, 14—Ɛwom sɛ na Yesu abrɛ, nanso ɔkaa asɛmpa no kyerɛɛ Samariani bea bi wɔ abura bi ho
- Flp 1:12-14—Ɔsomafo Paul gyidi nti wɔde no too afiase, nanso hokwan biara a onyae no, ɔde dii adanse, na ɔhyɛɛ afoforo nkuran

Ɛsɛ sɛ yɛhwɛ kwan sɛ obiara betie asɛmpa a yɛka no anaa?

Yoh 10:25, 26; 15:18-20; Aso 28:23-28

Ɛho nhwɛso a ɛwɔ Bible mu:
- Yer 7:23-26—Yehowa nam Yeremia so kaa sɛ ne nkurɔfo sisii wɔn aso na wɔantie n’adiyifo no
- Mt 13:10-16—Yesu kyerɛɛ mu sɛ, sɛnea nkurɔfo tee Yesaia asɛm nanso wɔanyɛ ho hwee no, saa ara na ɛbɛkɔ so wɔ yɛn bere yi so

Sɛ nnipa a yɛka asɛmpa no kyerɛ wɔn no mu pii ka sɛ wɔnni adaagye a, adɛn nti na ɛnyɛ yɛn nwanwa?

Mt 13:22; 24:38, 39; Lu 17:28, 29

Yɛyɛ dɛn hu sɛ, ebinom te asɛmpa no a wɔn ani begye ho, nanso akyiri yi wɔbɛto wɔn adwene mu?

Mr 4:14-17; Yoh 6:65, 66

Henanom nhwɛso na ɛboa yɛn na sɛ nkurɔfo sɔre tia yɛn wɔ asɛnka mu a, anyɛ yɛn nwanwa?

Aso 13:50; 18:5, 6; 1Pe 4:12-14

Sɛ nkurɔfo sɔre tia asɛnka adwuma no a, dɛn na yɛyɛ?

Mt 5:10-12; 10:14, 23; Flp 1:7

Yɛyɛ dɛn hu sɛ, ɛnyɛ dɛn ara a, ebinom betie asɛmpa a yɛka no?

Lu 8:15; Yoh 4:40, 41; Aso 16:14, 15; 17:11, 33, 34

Asɛde a emu yɛ duru bɛn na Onyankopɔn de ama obiara a ɔka asɛmpa no?

Aso 20:26, 27; 1Ko 9:16, 17; 1Ti 4:16

Hwɛ Hes 33:8 nso

Adɛn nti na ɛsɛ sɛ yɛka asɛmpa no kyerɛ nnipa a wɔfi aman, mmusuakuw, ne ɔsom biara mu?

Mt 24:14; Aso 10:34, 35; Adi 14:6

Hwɛ Dw 49:1, 2 nso

Adɛn nti na asɛm biara nni ho sɛ yɛbɛka asɛmpa no da biara, sɛ ɛyɛ Homeda mpo a?

Aso 5:42; 13:42, 44; 16:13

Henanom nhwɛso na ɛboa yɛn ma yehu sɛ, ɛyɛ papa sɛ yɛka asɛm no kyerɛ wɔn a wɔwɔ Bible, wɔn a wɔwɔ ɔsom bi mu, ne obi foforo biara?

Aso 13:46; Ga 2:7, 8