Wɔn Koma Wom

Afe biara adawurubɔfo mpem dudu pii a wontumi nyɛ daa akwampaefo no yɛ akwampaefo boafo adwuma ɔsram biako anaa nea ɛboro saa sɛnea ɛbɛyɛ a wobetumi anya kyɛfa kɛse wɔ Ahenni ho asɛmpa a wɔka kyerɛ wɔn mfɛfo no mu. Pii reyɛ nhyehyɛe sɛ wɔbɛyɛ bi afe a ɛreba yi. Na wo nso ɛ?

Wɔn a wɔyɛ bi no nyinaa gye tom sɛ, ‘Egye ahosiesie pa ne bere nhyehyɛe ankasa.’ Wɔn mu pii da so ara kɔ sukuu, nanso wɔn sukuu bere nhyehyɛe no yɛ nea sɛ wɔsɔre ntɛm na wodi wɔn bere ho dwuma yiye a, wobetumi de nnɔnhwerew abien ayɛ asɛnka adwuma da biara nso. Adansefo nkumaa mpempem pii nya anigye kɛse wɔ akwamma bere a wɔde yɛ saa ɔsom adwuma yi no mu.

Wobisaa Ɔdansefo biako nea enti a ɔbɔ mmɔden sɛ ɔbɛyɛ akwampaefo boafo adwuma no, ɔkae sɛ: “Ɛyɛ ɔkwan a menam so ka sɛ, ‘Yehowa, meda wo ase wɔ nneɛma a woayɛ ama me no nyinaa ho.’”