Bible Nhoma Foforo A Ɛka Nneɛma Pii Ho Asɛm

Nnipa pii akyerɛw nkrataa de abɛkyerɛ anisɔ a wɔanya wɔ Bible nhoma foforo a ɛka nneɛma pii ho asɛm a wɔn nsa aka no ho. Ɔkyerɛwfo bi a ofi Wisconsin, U.S.A ka no anigye so sɛ: “Hwɛ sɛnea Insight on the Scriptures nhoma apo abien foforo no yɛ nhwehwɛmuyɛ ho mmoa a ɛyɛ nwonwa!” Ɔbea bi a ofi Jamaica, West Indies no kyerɛw sɛ: “Ɛyɛ akyɛde a ɛyɛ nwonwa ampa, nea mɛkyerɛ ho anigye daa a mebɔ mmɔden sɛ mede bedi dwuma akosi ase.”

Insight on the Scriptures nhoma apo abien no kura nkratafa 2,560 a wotumi hu ne nkyerɛwee no kenkan no yiye. Wɔahyehyɛ emu nsɛm ɔpepem pii no nnidiso nnidiso sɛnea wɔn nkyerɛwde a edi kan no te na wɔakyerɛkyerɛ mu yiye. Ɛka nnipa, mmeae ahorow, atenae ne mmoa, nsɛntitiriw a asisi, sɛnkyerɛnne kwan so kasa a ɛwɔ Bible no mu ne sɛnea Onyankopɔn ne adesamma di ho kyerɛwtohɔ ho asɛm.

Wonam mfonini a wɔde nnuru ayɛ so akyerɛkyerɛ nsɛntitiriw aduonum abiɛsa mu. Asase mfonini ne asase so mmeae ahorow mfonini ne tete nneɛma akorae mu nneɛma ne mfonini afoforo nso a wɔayɛ sɛnea ɛbɛyɛ a ɛbɛboa wo ma woayɛ Bible mu kyerɛwtohɔ ahorow ho mfonini wɔ w’adwenem ka eyinom mu pii ho. Wɔde nsɛm a ɛboa ma wɔte nneɛma ase ne nsɛm a ɛsom bo a ɛde nkyerɛkyerɛmu ma ama wɔ Bible kyerɛw nsɛm bɛboro 3,500 ho. Nsɛmti, kyerɛwsɛm ne nsɛm a ɛma wuhu faako a asase mfonini bi wɔ a wɔahyehyɛ ka ho.

Wubetumi anya nhoma apo abien a ɛsom bo a ɛka nneɛmaa ahorow pii ho asɛm yi biako denam kratasin a ɛka ho a wobɛhyehyɛ na wode ¢3,500.00 aka ho amana no so.

Mesrɛ mo, momfa Bible nhoma apo abien a ɛka nneɛma ahorow pii ho asɛm a wɔfrɛ no Insight on the Scriptures no biako mmana me. Mede ¢3,500.00 ahyem de retua ka.