‘Woyɛɛ Me ma Ɛyɛ Nwonwa’

“ƐHE na mifi bae?” Eyi yɛ asɛm a mmofra dodow no ara bisa bere bi. Bere a mmofra no nyin no, wɔn asemmisa no taa bɛyɛ nea emu dɔ: “Ɛhe na nkwa fi bae?” Wɔasusuw saa asemmisa yi ho mfe mpempem pii, na mprempren nyansahufo pii bu adannandi sɛ ɛne nkwa fibea ho asɛm a ɛkyere adwene no ho mmuae a ntease wom sen biara. Adannandifo nkyerɛkyerɛmu a ɛde ma tiawa ne sɛ nkwa bae ara kwa.

Bɛyɛ mfe 3,000 a atwam no, Ɔhene Dawid kyerɛwee sɛ: “Woyɛɛ me ma ɛyɛ hu ne nwonwa.” (Dwom 139:14) Dodow a yesua nkwa ho asɛm no, dodow no ara na yehu nokware a ɛwɔ saa nsɛm no mu. Nokwarem no, abɔde a aniwa hu ho nimdefo Fred Hoyle kyerɛwee sɛ: “Bere a nnufrafo hu nkwa ho ade a emu dɔ ho ade pii no, ɛbɛda adi pefee sɛ hokwan a ɛwɔ hɔ sɛ ebetumi aba ara kwa no yɛ ketewaa bi ma wobetumi agyae akyi di. Nkwa ntumi mma ara kwa.”

Enti dɛn ne nkwa mfiase? Nsɛmma nhoma yi mu nsɛm abien a edi kan no susuw asemmisa yi ho. Sɛ wopɛ sɛ wunya eyi ho nsɛm a ɛkɔ akyiri a, yɛsrɛ wo kyerɛw Watch Tower Society, P. O. Box 760, Accra, anaa address a ɛwɔ kratafa 2 no mu nea ɛfata.