Emu Nsɛm

Yesu bere so no, na amanyɔsɛm, dibea, ne abusuakuw a obi fi mu apaapae nkurɔfo mu. Adesua nsɛm mmienu yi mu no, yebehu nea Kristo kyerɛɛ n’akyidifo sɛ wɔnyɛ na ama baakoyɛ atena wɔn mu, na wɔadi ɔtan hunu a etumi de mpaapaemu ba no so. Afei nso, yɛbɛhwɛ sɛnea wɔn nhwɛso no betumi aboa yɛn ama yɛayɛ saa wɔ wiase a emu apaapae yi mu.

Sɛ yɛn ahonim betumi akyerɛ yɛn kwan yiye a, ɛsɛ sɛ yɛtete no. Esiane sɛ Yehowa dɔ yɛn nti, wama yɛn mmara ne nnyinasosɛm a ɛbɛboa yɛn ama yɛatete yɛn ahonim yiye na yɛahu nneɛma sɛnea Yehowa hu no no. Adesua yi bɛma yɛahu sɛnea yebetumi de Bible nnyinasosɛm adi dwuma yiye.

Yesu ka kyerɛɛ n’asuafo sɛ wɔmma wɔn kanea nhyerɛn na ɛnhyɛ Onyankopɔn anuonyam. Adesua yi bɛma yɛn nyansahyɛ ahorow a sɛ yɛde yɛ adwuma a, ɛbɛboa yɛn pa ara ‘ama yɛn kanea ahyerɛn’ yiye.