Teokrase Nsɛmmansɛmma

◆ Efi June 8 besi 12 no Asafo ti no yɛɛ Ahenni Som Sukuu foforo no adesua a edi kan maa ɔmansin so ahwɛfo 27 a wofi Ghana ne asasesin bi a ɛbɛn yɛn mu wɔ Korle Gonno Ahenni Asa so wɔ Accra. Nnaanu sukuu no dii nnansa a baa boayikuw no mufo ne ɔmansin so ahwɛfo no de bobɔɔ nneɛma ho nkɔmmɔ na wɔde akwankyerɛ ahorow maa wɔn nnidiso nnidiso no akyi. Dapɛn awiei a edi hɔ no. wɔyɛɛ Ahenni Som Sukuu adesua a ɛto so abien no maa mpanyimfo 32 a wofi amansin no nyinaa mu a wɔbɛsom sɛ akyerɛkyerɛfo aboafo bere a wobefi ase ayɛ sukuu no wɔ amansin ahorow no mu wɔ October ne December ntam hɔ no. Nsɛm a ahwɛfo yi kae no kyerɛ sɛ adesua no hyɛɛ wɔn den maa dwumadi a ɛda yɛn anim no.

◆ Portugal reyɛ ne nsɛmma nhomakra ho ɔsatu a edi kan wɔ mfirihyia 20 mu. Bere a ɔsatu no mmaa awiei no, nsa aka nsɛmma nhomakra bɛboro 10,000 dedaw. Nea nsa ka fii adawurubɔfo nkyɛn akyi no, na nnipa nkorɛnkorɛ te sɛ nnuruyɛfo, mfiridwuma ho animdefo, polisifo dwumadibea ahorow, asɔfo ne afoforo de wɔn nsɛmma nhomakra nkratasin remana.

◆ Equatorial Guinea aban no agye Yehowa Adansefo atom mmara kwan so, na eyi abue kwan ama wɔn sɛ wobesisi Ahenni Asa ahorow. Anuanom no redi ahurusi.

◆ Mexico baa dwumadibea no buu adawurubɔfo dodow foforo 103,290 ho akontaa December mu.

◆ December 1981 mu no Japan buu adawurubɔfo 65,840 ho akontaa. Eyi ne wɔn nkɔanim foforo a ɛto so 36 ɛdefi January 1979.