Asemmisa Afã

● Dɛn na ɛsɛ sɛ yɛyɛ bere a wɔakyerɛ wɔ asasesin nkratasin ahorow so sɛ ɛnsɛ sɛ yɛkɔ afie bi mu no?

Ɛtɔ bere bi a yehyia afiewuranom wɔ yɛn asasesin no mu a wɔsɔre tia yɛn adwuma ne asɛm a yɛka no kɛse. Ebinom ahunahuna yɛn mpo. Sɛ ebinom de mpiyɛ ka sɛ Yehowa Adansefo biara mma wɔn fie bio a, ɛsɛ sɛ yetie nea wɔka no. Ɛsɛ sɛ wɔde onipa a ɔte sɛɛ din ne n’address ma onua a ɔhwɛ asasesin so no. Ɛsɛ sɛ ɔkyerɛ bere ko ne sɛnea asɛm no te pɔtee. Ɛno akyi no ɛsɛ sɛ ɔdawurubɔfo biara a wɔbɛka akyerɛ no sɛ ɔnyɛ asasesin yi mu adwuma no hwɛ yiye titiriw sɛ ɔrenkɔ ofie yi mu na amma ofiewura no bo amfuw.​—Muntĩ October 1974 Ahenni Som, Asemmisa Afã mu.

Nanso, efi bere kɔ bere mu no nkurɔfo tu anaa wɔn su sesa. Bere a egyina tebea horow so no, onua a ne ho akokwaw betumi de anifere ahwehwɛ mu nnakoro nnakoro ahwɛ sɛnea tebea no te afei.

Ɛnsɛ sɛ yɛde ahopere ka sɛ agyiraehyɛ ahorow a ɛte sɛɛ ho hia esiane obi nkyɛn a yɛankɔ wɔ bere a ɛfata mu na ama ahaw no anaa ayɛ te sɛnea ne bo afuw ara kwa no nti. Nanso, sɛ wɔka sɛ yɛmma hɔ bio anaasɛ ɛyɛ nea ahwɛyiye ho hia a, yebetumi adi nneɛma ho dwuma sɛnea wɔada no adi wɔ atifi hɔ no. Saa kwan yi so no yɛbɔ yɛn nuanom ho ban na ‘yɛnto hintidua biara biribiara mu, na wɔannunu ɔsom no.’​—2 Kor. 6:3.