Nkaebɔ Ahorow

◼ Nhoma a yɛde bɛma March: Dɛn na Bible Kyerɛkyerɛ Ankasa? Mommɔ mmɔden sɛ mubefi Bible adesua ase. April ne May: Ɔwɛn-Aban ne Awake! nsɛmma nhoma. Yɛbɛyɛ nhyehyɛe soronko akɔ anigyefo foforo a wɔbaa Nkaedi no na wobetiee ɔkasa titiriw no nanso wɔne asafo no mmɔ kɛse no nkyɛn. Nsrahwɛ a ɛtete saa no atirimpɔw ne sɛ yɛne wɔn a wɔne obiara nyɛ Bible adesua no befi bi ase. June: Onyankopɔn Akyi Kwan a Adesamma Hwehwɛ anaa The Bible—God’s Word or Man’s? Asafo ahorow a wonni nhoma yi bi no betumi de Som Nokware Nyankopɔn Koro No nhoma no ama.

◼ Sɛ asafo no nsa ka Ɔwɛn-Aban ne Awake! foforo a, ɛsɛ sɛ wɔkyekyɛ no ntɛm ara. Eyi bɛma adawurubɔfo no ahu nsɛmma nhoma no mu nsɛm yiye ansa na wɔde ama wɔ asɛnka mu.

◼ Ɛsɛ sɛ obi a ɔhwɛfo guamtrani no apaw no hwehwɛ asafo no sikasɛm ma December, January, ne February asram no mu. Ɛnsɛ sɛ onipa koro no ara yɛ toatoa so bere nyinaa. Sɛ wɔyɛ eyi wie a, mommɔ asafo no amanneɛ bere a moakenkan mo sikasɛm ho amanneɛbɔ a edi hɔ awie no.—Hwɛ Instructions for Congregation Accounting (S-27).

◼ Afe 2008 ɔmantam nhyiam no asɛmti ne “Onyankopɔn Honhom Kyerɛ Yɛn Kwan.” Yɛn Ahenni Som a ɛbɛba June mu no de nhyiam no ho nsɛm pii a ɛbɛboa wo ma woasiesie wo ho akɔ nnansa nhyiam no nyinaa bi bɛma. Sɛ ɛho hia sɛ wosrɛ kwan fi w’adwumawura hɔ na woatumi akɔ nnansa no nyinaa bi a, ntwentwɛn wo nan ase sɛ wobɛyɛ saa.