Nkaebɔ Ahorow

◼ Nhoma a yɛde bɛma June: Dɛn na Bible Kyerɛkyerɛ Ankasa? Sɛ afiewuranom wɔ nhoma yi bi dedaw a, adawurubɔfo betumi de nhoma biara a ekura nkratafa 192 a wotintimii wɔ krataa a etumi dodow so anaa wotintimii ansa na afe 1992 reba a mowɔ bi no ama wɔn. July ne August: Nhomawa biara a ekura nkratafa 32 a mowɔ bi a mubetumi de adi dwuma. September: Momfa Dɛn na Bible Kyerɛkyerɛ Ankasa? no mma.

◼ Bere biara a woreyɛ nhyehyɛe atu kwan akɔ ɔman bi a wɔmfaa wɔn din nkaa ɔsom afe akontaabu no ho anaa wɔn address nni Yearbook a aba foforo no akyi no, yɛsrɛ wo kyerɛw kɔ Betel adwumayɛbea a ɛwɔ wo man mu kobisa akwankyerɛ anaa nyansahyɛ biara a ebehia sɛ wuhu na wudi akyi. Ebia na wɔabara Ahenni adwuma no wɔ beae a ɛte saa, na wɔama wɔn anohyeto ahorow bi. (Mat. 10:16) Wɔ aman bi so no, ebia na ɛrenyɛ papa sɛ ahɔho bɛhwehwɛ Adansefo anaa asafo a ɛwɔ ɔman no so no. Wobetumi ama wo akwankyerɛ foforo biara a ɛfa bɔnnɔ so adansedi anaa nhoma a wubekura ho. Sɛ wudi akwankyerɛ yi akyi a, ebetumi aboa ma woakwati ɔhaw, na asɛm biara nso amma Ahenni adwuma no ho.—1 Kor. 14:33, 40.