Nkaebɔ Ahorow

◼ Nhoma a yɛde bɛma August: Nhomawa biara a ekura nkratafa 32 a mo asafo no wɔ bi gu hɔ. Mubetumi akra nhomawa foforo a, gye sɛ mode nea mowɔ no adi dwuma ma asa ansa. September: Dɛn na Bible Kyerɛkyerɛ Ankasa? Mommɔ mmɔden sɛ mubefi Bible adesua ase wɔ nsrahwɛ a edi kan no ara mu. Sɛ afiewuranom wɔ nhoma yi bi dedaw na wɔmpɛ sɛ mo ne wɔn bɛyɛ Bible adesua a, mubetumi de nsɛmma nhoma dedaw anaa nhomawa biara a wɔn ani gye ho ama wɔn. October: Ɔwɛn-Aban ne Awake! nsɛmma nhoma. Baabi a wɔbɛkyerɛ ho anigye no, momfa So Wopɛ sɛ Wuhu Nokware No? kratawa no mma na mommɔ mmɔden sɛ mubefi Bible adesua ase. November: The Bible—What Is Its Message? Sɛ munni nhomawa yi bi a, mubetumi de nhomawa biara a ekura nkratafa 32 a mo asafo no wɔ bi ama.

◼ Yebesusuw video abien yi, Jehovah’s Witnesses—Faith in Action, Part 1: Out of Darkness ne The Wonders of Creation Reveal God’s Glory no ho wɔ Ɔsom Nhyiam ahorow ase. Sɛ ɛho hia a, ɛsɛ sɛ wofa w’asafo so kra bi ntɛm ara.

◼ Afe 2011 ɔsom afe no bɛba awiei August 31. Wɔrekae asafo mu akyerɛwfo sɛ wonnyigye asɛnka akontaabu a wɔn nsa anka wɔ afe 2011 ɔsom afe no mu no nyinaa mfa nka asafo no August akontaabu no ho.

◼ Asafo pii asɛnka akontaabu taa ka akyi. Sɛ adawurubɔfo de wɔn akontaabu ba ntɛm a, ɛboa paa. Yɛrekae asafo mu akyerɛwfo sɛ wobetumi de akontaabu no (amena, anaa wɔde afa Intanɛt so wɔ jw.org) abrɛ yɛn ntɛm ɔsram biara.