Nkaebɔ Ahorow

◼ Nhoma a yɛde bɛma May: Ɔwɛn-Aban ne Awake! nsɛmma nhoma. Baabi a wɔbɛkyerɛ ho anigye no, momfa So Wopɛ sɛ Wuhu Nokware No? kratawa no mma wɔn, na mommɔ mmɔden sɛ mubefi Bible adesua ase. June: Dɛn na Bible Kyerɛkyerɛ Ankasa? July ne August: Momfa nhomawa biara a ekura nkratafa 32 a mutumi de di dwuma yiye wɔ mo asasesin mu mma. Sɛ moreyɛ sankɔhwɛ a, momfa Bible Kyerɛkyerɛ nhoma no nni dwuma, na sɛ Tie Onyankopɔn anaa Tie Onyankopɔn na Tena Ase Daa nhomawa no na ebetumi aboa onipa no yiye a, momfa biako mma no na mommɔ mmɔden sɛ mubefi Bible adesua ase.

◼ Yɛde anigye rebɔ mo amanneɛ sɛ, efi October 2012 no, yebenya Ɔwɛn-Aban a ɛbɛba ɔsram biara wɔ Dangme kasa mu. Adesua nsɛm ne nea yɛde ma ɔmanfo no mu nsɛm no bi na ɛbɛba mu. Yɛhyɛ wɔn a wɔwɔ asafo ahorow a wɔka Dangme kasa mu no nyinaa nkuran sɛ wɔmfa Ɔwɛn-Aban yi nni dwuma yiye na ama obiara anya adesua no so mfaso kɛse.