Ɔsom Adwuma Nkɔso

Wɔ Kwasida, January 29, 2012 no, nnipa a wɔn dodow yɛ 30,507 na wobetiee ɔkasa a dantaban sohwɛfo a ɔbɛsraa yɛn mae no. Ɔkasa no asɛmti ne “Munnya Mo Kra Hwɛfo ne Wɛmfo no Mu Ahotoso.” Nnipa a wotiee ɔkasa no wɔ Accra Nhyiam Asa so no dodow yɛ 11,547, na eyi ne bere a edi kan a wɔnam telefon so tiee ɔkasa a ɛte saa wɔ nkurow afoforo abiɛsa mu. Wɔn a wohyiaa mu wɔ Kumasi no dodow yɛ 6,173, Sunyani yɛ 5,650 na Takoradi nso yɛ 7,137.

Ɔkasa a ɛhyɛ nkuran a wotiei ne hokwan soronko a anuanom a wɔwɔ Accra ne ɔman no mmeae afoforo nso nya de bɔɔ fekuw no maa wɔn ani gyei kɛse!