Nkaebɔ Ahorow

◼ Nwoma a yɛde bɛma September ne October: Ɔwɛn-Aban ne Nyan! November ne December: Dɛn na Bible Kyerɛkyerɛ Ankasa? anaa nkratawa a ɛdidi so yi mu biara: Wohwɛ a, Bible Yɛ Nhoma Bɛn? (T-30), Wohwɛ a, Dɛn na Ebesi Daakye? (T-31), Dɛn na Ɛde Anigye Ba Abusua Mu? (T-32), Hena Paa na Odi Wiase Yi So? (T-33), Enti Amanehunu To Betwa Da Bi? (T-34), Dɛn ne Onyankopɔn Ahenni? (T-36).

◼ Wɔbɛma afe 2016 Nkaedi bere mu badwam ɔkasa titiriw no nnawɔtwe a ɛfi aseɛ March 28. Yɛbɛma moate ɔkasa no asɛmti akyiri yi. Asafo ahorow a ɔmansin sohwɛfo bɛba abɛsra wɔn anaa wɔbɛyɛ ɔmansin nhyiam saa nnawɔtwe no bɛma ɔkasa titiriw no nnawɔtwe a ɛdi hɔ. Ɛnsɛ sɛ asafo biara ma ɔkasa titiriw no ansa na March 28 adu.

◼ Aka nnawɔtwe ama moakɔ ɔmantam nhyiam no, monyɛ ɔsom nhyiam no mu nsakrae. Momfa bere no bi nhwɛ “Nhyiam Nkaebɔ” video no, na monsusu emu afotusɛm ho. Momfa krataa a n’asɛmti ne “Ahwɛyiye a yɛbɛyɛ bere a yɛakɔ Kristofo nhyiam ase” a wɔkyerɛw no August 3, 2013 kɔmaa asafo ahorow no mu nsɛm nka ho. Sɛ mokɔ mo nhyiam wie a, bosome baako anaa mmienu akyi no, mobɛtumi de asafo mu ahiade bere no ayɛ ntĩmu ma adawurubɔfo aka nhyiam no mu nsɛm pɔtee a aboa wɔn wɔ asɛnka mu.