Di Ahurusi W’anidaso Mu

Anidaso te sɛ sɛkyɛ. (Heb 6:19) Ɛboa yɛn na sɛ yehyia ɔhaw a ɛte sɛ po so ahum a, yɛn gyidi angu asu. (1Ti 1:18, 19) Ɔhaw a ayɛ sɛ po so ahum no, ebi betumi ayɛ huammɔdi, yɛn agyapade a ebefi yɛn nsa, yare koankorɔ, yɛn dɔfo bi wu, anaa biribiara a ebetumi asɛe yɛn nokwaredi.

Gyidi ne anidaso boa yɛn ma yehu akatua a wɔde ahyɛ yɛn bɔ no yiye. (2Ko 4:16-18; Heb 11:13, 26, 27) Enti sɛ yɛwɔ anidaso sɛ yɛbɛkɔ soro oo, yɛbɛtena asase so oo, bere nyinaa ɛsɛ sɛ yɛhyɛ yɛn anidaso no mu den. Yɛbɛyɛ no sɛn? Ɛsɛ sɛ yedwinnwen bɔhyɛ ahorow a ɛwɔ Onyankopɔn Asɛm mu no ho. Yɛyɛ saa na sɛ yehyia sɔhwɛ a, ɛbɛyɛ den sɛ ɛbɛsɛe yɛn anigye.—1Pe 1:6, 7.

MONHWƐ VIDEO A YƐATO DIN MUNNI AHURUSI ANIDASO NO MU NO, NA MUMMUA NSƐMMISA A EDIDI SO YI:

• Mose yɛ obi a ɛsɛ sɛ yesuasua no. Adɛn ntia?

• Asɛyɛde bɛn na mmusua ti wɔ?

• Nneɛma bɛn saa na mubetumi asua wɔ Abusua Som ase?

• Sɛ worehyia sɔhwɛ a, ɔkwan bɛn so na anidaso betumi aboa wo ama wode akokoduru agyina ano?

• Ɛdɛn na worehwɛ kwan sɛ wubenya daakye?