KRISTOFO ABRABƆ
Fa Wo Nkwa Yi Yehowa Ayɛ!
Nkwa yɛ akyɛde a ɛsom bo. Ɔkwan a yɛfa so de saa akyɛde yi yɛ adwuma da biara no na ɛkyerɛ sɛ yɛn ani sɔ paa. Yɛyɛ Yehowa Adansefo nti yɛbɔ mmɔden de yɛn dom akyɛde ne yɛn nimdeɛ yi Yehowa ayɛ, na yɛhyɛ no anuonyam efisɛ ɔno na wama yɛn nkwa. (Dw 36:9; Adi 4:11) Nanso anhwɛ a, wiase bɔne yi mu dadwen betumi apia nneɛma pa a ɛsɛ sɛ yɛde yɛn adwene si so wɔ Onyankopɔn som mu no ato nkyɛn. (Mr 4:18, 19) Yebetumi abisa yɛn ho sɛ: ‘Enti nea ɛsom bo ma me paa na mede rema Yehowa no? (Ho 14:2) Sɛn na m’adwuma ka me som? Nyankopɔn som mu botae bɛn na mede asi m’ani so? Mɛyɛ dɛn ayɛ pii wɔ ɔsom adwuma no mu?’ Wuhu sɛ ehia sɛ wobɔ wo ho mmɔden a, srɛ Yehowa sɛ ɔmmoa wo na yɛ nsakrae biara a ehia. Sɛ da biara yetumi yi Yehowa ayɛ a, ɛbɛma yɛn koma atɔ yɛn yam, na yɛn ani agye!—Dw 61:8.
Hena na wode wo dom akyɛde resom no?
MONHWƐ VIDEO A YƐATO DIN FA WO DOM AKYƐDE SOM YEHOWA, NA MUMMUA NSƐMMISA YI:
Sɛ yɛwɔ ɔdom akyɛde bi a, adɛn nti na nyansa nnim sɛ yɛde bɛboa Satan wiase no? (1Yo 2:17)
Sɛ nea ɛsom bo ma yɛn paa no, yɛde ma Yehowa a, nhyira bɛn na yebenya?
Ɔsom adwuma no afã horow bɛn na wubetumi de wo dom akyɛde ne wo nimdeɛ aboa?