Yehowa Boa Yɛn Ma Yɛyɛ N’adwuma

Yehowa de ne honhom kronkron boaa Besalel ne Oholiab ma wotumi yɛɛ ntamadan no ho adwuma. (Hwɛ mfoni a ɛwɔ nhomawa yi anim no.) Ɛnnɛ nso, Yehowa betumi de ne honhom kronkron a ɛsen tumi biara no aboa n’asomfo. Dɛn na sɛ yɛyɛ a ɛbɛma yɛanya honhom kronkron no bi?

Ɛsɛ sɛ yɛbɔ mpae srɛ Yehowa sɛ, nea yetumi yɛ no, ɔmfa ne honhom no mmoa yɛn ma yɛmfa nsom no
Ɛsɛ sɛ yɛyere yɛn ho sua Onyankopɔn Asɛm a ɔde ne honhom kyerɛwee no
Adwuma biara a wɔde bɛhyɛ yɛn nsa wɔ Yehowa som mu no, ɛsɛ sɛ yeyi yɛn yam yɛ

Mfoni: Yehowa Adansefo bi reyɛ teokrase dwumadi ahorow. 1. Anuanom mmea bi reboa ma wɔasi dan bi. 2. Onua bi a ɔhwɛ ‘Ɔwɛn Aban’ so resiesie ne ho ama Adesua no. 3. Onua bi redi papa bi a ɔtɔn ade adanse; nea ɔka ne ho no rehwɛ baabi sɛnea ɛbɛyɛ a sɛ wɔn a wɔsɔretia yɛn no bi reba a obehu. 4. Awarefo bi akɔ Ahenni Asɛmpakafo Sukuu no bi, na wɔresua ade.

Nnwuma bɛn na Yehowa betumi aboa yɛn ma yɛayɛ?