“Ɛnsɛ Sɛ Mudwinnwen Da”

Ahiafo a na wɔwɔ tete Israel no, Yehowa boaa wɔn. Ɛnnɛ nso, n’asomfo a wodi hia no, ɔboa wɔn. Nneɛma bɛn na ɔyɛ de boa wɔn?

• Wakyerɛkyerɛ wɔn sɛ wonnya sika ho adwempa.—Lu 12:15; 1Ti 6:6-8

• Waboa wɔn ama wɔahu sɛ, ɛnsɛ sɛ wobu wɔn ho sɛ wɔnsɛ hwee.—Hio 34:19

• Wakyerɛ wɔn sɛ wɔnyɛ adwumaden, na nneyɛe biara a ɛbɛkɔ akɔfa ɔhaw abrɛ wɔn no, wɔntwe wɔn ho mfi ho.—Mme 14:23; 20:1; 2Ko 7:1

• Wama wɔn anuanom Kristofo a wɔdɔ wɔn.—Yoh 13:35; 1Yo 3:17, 18

• Wama wɔn anidaso.—Dw 9:18; Yes 65:21-23

Sɛ nneɛma mu yɛ den sɛ dɛn mpo a, ɛnsɛ sɛ yedwinnwen da. (Yes 30:15) Yɛkɔ so hwehwɛ Ahenni no kan a, ɔkwan biara so Yehowa bɛma yɛn nsa aka nea yehia.—Mt 6:31-33.

HWƐ VIDEO A YƐATO DIN ƆDƆ TO NTWA DA ƐMFA HO SƐ . . . WUDI HIA NO—CONGO NO. WUWIE A, BUA NSƐMMISA A EDIDI SO YI:

• 

  Anuanom a wɔte bɛn baabi a wɔyɛ ɔmantam nhyiam no, dɛn na wɔyɛ de kyerɛe sɛ wɔdɔ wɔn nuanom a wofi akyirikyiri bae no?

• 

  Sɛn na video yi ma yehu sɛ Yehowa dɔ ahiafo?

• 

  Sɛ yɛwɔ bi oo, yenni bi oo, yɛbɛyɛ dɛn asuasua Yehowa?