Nya Awerɛhyem Sɛ Ɔdɔ a Yehowa Wɔ Ma Wo No Renni Huammɔ

Wosom bo ma Yehowa paa. (Yes 43:4) Ɛno nti na watwe wo aba ne nkyɛn na ɔde wo aba n’ahyehyɛde no mu no. Esiane sɛ woahyira wo ho so na woabɔ asu nti, woyɛ Yehowa dea. Woyɛ n’agyapade a onni wo ho agorɔ, enti ɔbɛhwɛ wo, ɛnkanka bere a nneɛma nkɔ yiye no. Ɔnam n’ahyehyɛde no so bɛda ɔdɔ a enni huammɔ adi akyerɛ wo.—Dw 25:10.

Nea Yehowa ahyehyɛde no yɛe bere a atoyerɛnkyɛm sisii nnansa yi no, sɛ yedwinnwen ho a, ɛbɛma yɛakyerɛ Yehowa dɔ a enni huammɔ no ho anisɔ paa.

HWƐ VIDEO A YƐATO DIN AFE 2019 AMANNEƐBƆ A EFI NSƐM HO DWUMADI BOAYIKUW NO HƆ NO. WUWIE A, BUA NSƐMMISA A EDIDI SO YI:

• 

  Dɛn na Nsɛm Ho Dwumadi Boayikuw no ama Betel ahorow a ɛwɔ wiase nyinaa ayɛ de asiesie wɔn ho ama atoyerɛnkyɛm?

• 

  Bere a asaasewosow bi sii wɔ Indonesia, na yare bi tuu atese wɔ Nigeria no, akwankyerɛ bɛn na Yehowa ahyehyɛde no de maa anuanom? Mmoa bɛn nso na wɔde maa wɔn?

• 

  COVID-19 yare no bae yi, dɛn na Yehowa ahyehyɛde no ayɛ a w’ani agye ho paa?