MARCH 4-10
DWOM 16-17
Dwom 111 Ne Mpaebɔ | Nnianim Nsɛm (Simma 1)
1. “Yehowa, Adepa Biara a Minya No, Wo Nkyɛn Na Efi”
(Simma 10)
Sɛ yɛne wɔn a wɔsom Yehowa fa adamfo a, ɛma yɛn ani gye (Dw 16:2, 3; w18.12 26 ¶11)
Sɛ yɛne Yehowa ntam yɛ kama a, ɛma yenya akomatɔyam (Dw 16:5, 6; w14 2/15 29 ¶4)
Nneɛma a Yehowa de hyɛ yɛn gyidi den no nti, yɛwɔ asomdwoe; yensuro (Dw 16:8, 9; w08 2/15 3 ¶2-3)
Ná Dawid ani gye, efisɛ ɔde Yehowa som dii kan wɔ n’abrabɔ mu. Yɛn nso, Yehowa som ne ade a ehia yɛn paa wɔ abrabɔ mu. Enti yɛn ani gye, efisɛ Yehowa na adepa biara fi no.
BISA WO HO SƐ, ‘Adɛn nti na metumi aka sɛ, efi bere a mebaa nokware no mu no, m’abrabɔ ayɛ papa kyɛn kan no?’
2. Tweetwee Bible Mu
(Simma 10)
3. Bible Akenkan
(Simma 4) Dw 17:1-15 (th adesua 5)
4. Hyɛ Nkɔmmɔ Ase
(Simma 1) AFIE AFIE ASƐNKA. Ma no krataa a yɛde to nsa frɛ nkurɔfo ba Nkaedi no bi. (th adesua 11)
5. Hyɛ Nkɔmmɔ Ase
(Simma 3) AFIE AFIE ASƐNKA. Ma no krataa a yɛde to nsa frɛ nkurɔfo ba Nkaedi no bi. Sɛ ogye a, ka kyerɛ no sɛ video a yɛato din Kae Yesu Wu No, wopɛ sɛ wuyi kyerɛ no, na mommɔ ho nkɔmmɔ. (th adesua 9)
6. Hyɛ Nkɔmmɔ Ase
(Simma 2) BERE A WUNNI ASƐNKA MU. Ma no krataa a yɛde to nsa frɛ nkurɔfo ba Nkaedi no bi. (th adesua 2)
7. Yɛ Asuafo
Dwom 20
8. Sɛn Na Yɛbɛyɛ Ahoboa Ama Nkaedi No?
(Simma 15) Ɔkasa ne nkɔmmɔbɔ.
Yesu maa yɛn ahyɛde sɛ yɛnkae ne wu no. Enti Kwasida, March 24 no, ɔdɔ mu ɔdɔ a Yehowa ne Yesu ayi no adi akyerɛ yɛn no, yɛbɛkae. (Lu 22:19; Yoh 3:16; 15:13) Sɛn na wobɛyɛ ahoboa ama Nkaedi no?
Asɛnka adwuma titiriw a yɛbɛyɛ de ato nsa afrɛ nkurɔfo aba Nkaedi no ne ɔkasa titiriw no, fa w’ahoɔden nyinaa yɛ bi. Amannifo a wopɛ sɛ woto nsa frɛ wɔn no, kyerɛkyerɛw wɔn nyinaa din. Sɛ wɔn mu bi te akyiri a, kɔ jw.org kɔhwɛ bere a wɔbɛyɛ Nkaedi no wɔ baabi a ɔte no, ne baabi a wɔbɛyɛ no, na ka kyerɛ no
Asɛnka adwuma a woyɛ no, hwɛ sɛ wubetumi ayɛ bi aka ho wɔ March ne April mu a. Wubetumi de nnɔnhwerew 15 anaa 30 ayɛ akwampae boafo anaa?
Nsɛntitiriw a esisii Yesu asetena mu nnawɔtwe a etwa to a odii no asaase so no, fi ase kenkan ho ade March 18. Wohwɛ Abrabɔ Ne Asɛnka Adesua Nhoma yi kratafa 6-7 a, wubehu “Afe 2024 Nkaedi Bible Akenkan Ho Nhyehyɛe” no. Ɛyɛ a hwɛ dodow a wubetumi akan no da biara
Ɛda a yɛbɛyɛ Nkaedi no, hwɛ Daa Asɛm titiriw no wɔ jw.org
Sɛ wokɔ Nkaedi no a, ahɔho ne wɔn a wɔagyae asɛnkakɔ no, gye wɔn fɛw so. Ahɔho a ɛbae no, sɛ mopɔn a ka kyerɛ wɔn sɛ, sɛ wɔante biribi ase a, wɔbetumi abisa wo. Afei wo ne wɔn nyɛ nhyehyɛe na kɔsra wɔn akyiri yi
Dwinnwen agyede no ho ansa na Nkaedi no adu so, na yewie nso a, kɔ so ara dwinnwen ho
Yi VIDEO a yɛato din Kae Yesu Wu No. Afei bisa sɛ:
Sɛ yɛreto nsa afrɛ nkurɔfo aba Nkaedi no a, sɛn na yɛde saa video yi bɛyɛ adwuma?
9. Asafo Bible Adesua
(Simma 30) bt ti 6 ¶18-24, ne adaka a ɛwɔ kr. 48