NOVEMBER 18-24
DWOM 107-108
Dwom 7 Ne Mpaebɔ | Nnianim Nsɛm (Simma 1)
1. “Monna Yehowa Ase, Efisɛ Oye”
(Simma 10)
Sɛnea Yehowa gyee Israelfo fii Babilon no, saa ara na wagye yɛn afi Satan wiase no mu (Dw 107:1, 2; Kol 1:13, 14)
Anisɔ a yɛwɔ ma Yehowa no ka yɛn ma yeyi no ayɛ wɔ asafo no mu (Dw 107:31, 32; w07 4/15 20 ¶2)
Sɛ yɛto yɛn bo ase dwinnwen nneɛma pa a Yehowa ayɛ ama yɛn no ho a, ɛbɛma yɛafi yɛn komam ada no ase (Dw 107:43; w15 1/15 4 ¶4)
2. Tweetwee Bible Mu
(Simma 10)
Dw 108:9—Bere a Onyankopɔn kaa sɛ Moab yɛ ‘ade a ɔhohoro ne nsa wom’ no, ɛbɛyɛ sɛ dɛn na na ɔrekyerɛ? (it-2 420 ¶4)
Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?
3. Bible Akenkan
(Simma 4) Dw 107:1-28 (th adesua 5)
4. Hyɛ Nkɔmmɔ Ase
(Simma 3) BERE A WUNNI ASƐNKA MU. (lmd adesua 1 nkyekyɛm 4)
5. Yɛ Sankɔhwɛ
(Simma 4) BERE A WUNNI ASƐNKA MU. Ka Bible adesua a yɛne nkurɔfo yɛ no ho asɛm kyerɛ no, na ma no Bible adesua kaad no bi. (lmd adesua 9 nkyekyɛm 3)
6. Ɔkasa
(Simma 5) ijwyp 90—Asɛmti: Mɛyɛ Dɛn Anya Nneɛma Ho Adwempa? (th adesua 14)
Dwom 46
7. Yɛto Dwom De Da Yehowa Ase
(Simma 15) Ɔkasa ne nkɔmmɔbɔ.
Bere a Yehowa gyee Israelfo a na ehu aka wɔn no fii Egypt asraafo a wɔnim akodi no nsam wɔ Po Kɔkɔɔ no ho no, Israelfo no ani sɔe, na wɔtoo dwom daa Yehowa ase. (Ex 15:1-19) Mmarima no na wɔpagyaw saa dwom foforo no. (Ex 15:21) Yesu ne tete Kristofo no nso too ayeyi nnwom maa Onyankopɔn. (Mt 26:30; Kol 3:16) Ɛnnɛ, yɛn nso sɛ yɛkɔ asafo nhyiam, amansin ne amantam nhyiam a, yɛto nnwom de da Yehowa ase. Ɛho nhwɛso ne dwom a yɛtoo no seesei ara no. N’asɛmti ne “Yɛda Wo Ase, Yehowa,” na efi afe 1966 tɔnn na yefii ase too wɔ asafo nhyiam ase.
Mmeae bi wɔ hɔ a, mmarima fɛre sɛ wɔbɛto nnwom wɔ baguam. Mmarima ne mmea bi nso de, wɔka sɛ wɔn nne nyɛ dɛ, enti ɛyɛ a wɔmpɛ sɛ wɔbɛto nnwom. Nanso, ɛsɛ sɛ yɛkae sɛ nnwom a yɛto wɔ asafo nhyiam ase no nso ka yɛn som ho. Yehowa ahyehyɛde no gye bere pii siesie nnwom dɛdɛɛdɛ ma yɛn, na wɔsan gye bere paw nnwom a yɛbɛto wɔ asafo nhyiam biara ase. Yɛn de ara ne sɛ yɛbɛbom ato nnwom no de akyerɛ yɛn soro Agya no sɛ yefi yɛn komam dɔ no paa, na yɛn ani sɔ nea wayɛ ama yɛn no.
Yi VIDEO a yɛato din Tete Wɔ Bi Kyerɛ—Nnwom Yɛ Akyɛde, Ɔfã 2. Afei bisa sɛ:
Ade titiriw bɛn na esii afe 1944?
Dɛn na yɛn nuanom a wɔwɔ Siberia no yɛ de kyerɛe sɛ na Ahenni nnwom a wɔbɛto no da wɔn koma so?
Adɛn nti na nnwonto ho hia Yehowa Adansefo saa?
8. Asafo Bible Adesua
(Simma 30) bt ti 18 ¶6-15