Nsɛm Afoforo a Ɛwɔ Ɔwɛn-Aban Mu

Sɛ adawurubɔfo resua ade a yebesua wɔ adesua ase no a, wɔn mu pii de JW Library^® na ɛyɛ. Sɛnea ɛde wo kɔ Ɔwɛn-Aban adesua asɛm biara so tee no, wɔn ani gye ho paa. Nanso Ɔwɛn-Aban a adesua nsɛm wom no, nsɛm afoforo nso wom. Sɛ wubue JW Library a, wobɛyɛ dɛn ahu saa nsɛm afoforo yi, na woakenkan anya so mfaso?

• Wubue JW Library a, Ɔwɛn-Aban adesua asɛm biara awiei no, wubehu sɛ wɔakyerɛw hɔ “Nsɛm Afoforo a Wubetumi Akenkan.” Saa asɛm no ase hɔ no, mia asɛm a ɛne “Nsɛm afoforo a ɛwɔ Ɔwɛn-Aban yi mu” no so. Sɛ wumia so a, ɛde wo bɛkɔ Ɔwɛn-Aban no mu ama woahwɛ emu nsɛm no. Wubehu sɛ adesua asɛm biara wɔ asɛmti ne nɔma. Afei, nsɛm afoforo a ɛwom a wopɛ sɛ wokenkan no, mia so.

• Sɛ wunya bue JW Library a, ɔfa a wɔato din “Ade Foforo a Aba” anaa “What’s New” no, Ɔwɛn-Aban foforo biara a ɛbɛba no, wubehu wɔ hɔ, enti wubetumi atwe bi. Afei mia nea woatwe no so, hwɛ emu nsɛm no, na bɔ mmɔden sɛ wobɛkenkan ne nyinaa.