Ɛhe na wubenya akwankyerɛ a edi mu?

Wiase a yɛte mu yi, ɛnkyɛ na nneɛma asesa. Enti wobɛyɛ dɛn asisi gyinae a ɛbɛma w’ani agye daakye? Wobɛyɛ dɛn ahu sɛ nea ɛnnɛ nkurɔfo ka sɛ ɛyɛ papa no, ɔkyena wɔrenka sɛ ɛyɛ bɔne?

Bible betumi aboa wo ama woasisi gyinae a worennu wo ho da. Adɛn ntia? Efisɛ Bible fi Ɔbɔadeɛ no hɔ, na ɔno na onim nea ɛbɛma yɛn ani agye na yɛn koma atɔ yɛn yam.

Afotu pa a ɛwɔ Bible mu no, yebetumi de yɛn ho ato so. “Enni huammɔ da.”—Dwom 111:8.

Sɛnea Bible betumi aboa wo wɔ wiase a ɛredi adaneadane yi mu no, adɛn na wunsua ho ade?