Ɔwɛn-Aban INTANƐT SO NHOMAKORABEA
Ɔwɛn-Aban
INTANƐT SO NHOMAKORABEA
Twi
?
  • ã
  • á
  • ẽ
  • é
  • ɛ
  • ɛ̃
  • ĩ
  • õ
  • ɔ
  • ũ
  • Ã
  • Á
  • Ẽ
  • É
  • Ɛ
  • Ɛ̃
  • Ĩ
  • Õ
  • Ɔ
  • Ũ
  • BIBLE
  • NHOMA
  • ASAFO NHYIAM
  • g94 7/8 kr. 31
  • So Sika Betumi Atɔ Anigye?

Nea woapaw yi, video biara nni ho.

Yɛsrɛ wo, video no antumi ammɔ.

  • So Sika Betumi Atɔ Anigye?
  • Nyan!—1994
  • Nsɛm a Ɛne No Di Nsɛ
  • So Ahonyade Betumi Ama Wo Anigye?
    Ɔwɛn-Aban Ɛka Yehowa Ahenni Kyerɛ—1998
  • Ma W’ani Nsɔ Nea Wowɔ Na Da Ayamye Adi
    Nyan!—2018
  • Sɛnea Wubenya Nokware Anigye
    Ɔwɛn-Aban Ɛka Yehowa Ahenni Kyerɛ—2001
  • Anigye a Wɔrehwehwɛ
    Ɔwɛn-Aban Ɛka Yehowa Ahenni Kyerɛ—2004
Hwɛ Pii Ka Ho
Nyan!—1994
g94 7/8 kr. 31

So Sika Betumi Atɔ Anigye?

ADANSE a ɛwɔ hɔ kyerɛ sɛ sɛ obi nya sika sen afoforo a ɛmma onnya anigye nsen wɔn. Nsɛmma nhoma Psychology Today ka sɛ: “Sɛ obi nyɛ hiani a, anwonwasɛm ne sɛ akatua ntomu nkyerɛ sɛ n’ankasa ani begye.”

Wosii eyi so dua wɔ October 29, 1993 New York Times ayi ho amanneɛbɔ bi mu, a n’asɛmti ne sɛ: “Doris Duke a Wadi Mfe 80, Ɔdedifo a Ne Sika Bebrebe Antumi Antɔ Anigye no Awu.” Emu asɛm no kae sɛ: “Wɔ 1945 anadwo bi no, Awuraa Duke a saa bere no na wadi mfe 33 ka kyerɛɛ n’adamfo bi wɔ Rome sɛ ne sika bebrebe no siw n’anigye kwan ɔkwan bi so.”

Duke ka kyerɛɛ n’adamfo no sɛ: “Ɛtɔ mmere bi a sika bebree no nyinaa yɛ ɔhaw. Sɛ mene ɔbarima bi fi adi mpɛn kakraa bi a, ofi ase ka kyerɛ me sɛ ɔdɔ me yiye. Nanso ɛbɛyɛ dɛn na mahu sɛ ɔdɔ me ampa? Ɛbɛyɛ dɛn koraa na matumi agye adi?” Times kae sɛ: “Nsɛm a ɔkaa no saa anadwo no kyerɛe sɛ ne sika no akã n’asetra kɛse, na apira no mpo.”

Saa ara na Jean Paul Getty a bere bi na wagye din sɛ obi a ɔwɔ sika sen biara wɔ wiase kae sɛ: “Sika ne anigye nhyɛ da nni hwee yɛ. Ebia ɛne awerɛhow na ɛwɔ biribi yɛ.” Jane Fonda nso a wɔde no adi dwuma wɔ Hollywood sini mu, a 1970 mfe no mu no, na ogye dɔla ɔpepem fã wɔ sini biara a ɔbɛba mu ho no, kae sɛ: “Manya sika ne ahonyade nyinaa bi. Ɛnka hwee. Sika de adwene ne nkate fam basaayɛ ba, na awaregyae ne mmofra a wɔtentan wɔn awofo ho asɛm mpo de yɛnka.”

Sɛnea sika nkutoo ntumi mfa anigye mma da no, saa ara na ohia buruburoo nso te. Enti, bere tenten a atwam no, ɔbarima nyansafo bi kae sɛ: “Mma me ohia anaa ahonyade.” (Mmebusɛm 30:8, 9) Bible kyerɛwfo foforo nso kae sɛ nea obi hia na ama n’ani agye ne “onyamesom pa a ɔpene wɔ mu. . . . Na yɛamfa hwee amma wiase, nanso yentumi mfa hwee mfi mu nkɔ. Na sɛ yɛwɔ nnuan ne nea yɛde kata yɛn ho a, momma ɛno ara nnɔɔ yɛn so.”—1 Timoteo 6:6-10.

    Twi Nhoma Ahorow (1980-2025)
    Fi Mu
    Kɔ Mu
    • Twi
    • Fa Mena
    • Yɛ Nsakrae a Wopɛ Wɔ Ha
    • Copyright © 2025 Watch Tower Bible and Tract Society of Pennsylvania
    • Wɛbsaet No Ho Nhyehyɛe
    • Sɛnea Yɛde Wo Ho Nsɛm Di Dwuma
    • Kyerɛ Sɛnea Wopɛ Sɛ Yɛde Wo Ho Nsɛm Di Dwuma
    • JW.ORG
    • Kɔ Mu
    Fa Mena