Dwom 127
Ɔdan a Wo Din Da So
Nea Yɛaprente
1. Yehowa, ɛyɛ nhyira kɛse
Sɛ yɛasi dan ama wo nnɛ!
Yɛde ma wo wɔ anigye mu.
Yɛde hyɛ wo din anuonyam.
Akyɛde biara, yɛde ma wo;
Ɛyɛ wo dea fi daa nyinaa.
Yɛn ahode ne yɛn b’ribiara,
Yefi koma mu de ma wo.
(NNYESO)
Yɛde dan yi nyinaa ma wo.
Ma wo din ntena ha.
Yɛahyira so ama wo din;
Yɛsrɛ wo, fa yɛ wo dea.
2. Agya, ma yɛnhyɛ wo anuonyam,
Ma w’ayeyi nhyɛ dan yi mã.
Ma wɔn a wɔba wo nkyɛn nnɔɔso.
Ma wɔnhyɛ wo anuonyam daa.
Yɛde saa beae yi bɛsom wo daa.
Ma yɛnhwɛ wo dan yi so yie.
Ma enni adanse daa nyinaa;
Ma ɛnkamfo asɛmpa no.
(NNYESO)
Yɛde dan yi nyinaa ma wo.
Ma wo din ntena ha.
Yɛahyira so ama wo din;
Yɛsrɛ wo, fa yɛ wo dea.
(Hwɛ 1 Ahe. 8:18, 27; 1 Be. 29:11-14; Aso. 20:24 nso.)