Nsemmisa A Efi Akenkanfo Hɔ

Dɛn nti na ɛtɔ da bi a wɔto nso frɛ atiefo ma wɔsɔre gyina ma dwonto ne mpaebɔ wɔ Kristofo nhyiam horow ase?

Dwonto ne mpaebɔ ayɛ nokware som fã bere tenteenten. (1 Beresosɛm 16:7-9; Mateo 26:26-30; Yakobo 5:13, 14) Enti, eyinom yɛ ɔsom fã a ɛho hia bere nyinaa wɔ asafo nhyiam horow ase anaa wɔ Yehowa Adansefo nhyiam horow ase.

Nnwom ahorow no pii te sɛ mpaebɔ anaa ayeyi ma Onyankopɔn. Sɛ nnipa a wɔdɔɔso bom sɔre gyina to dwom na wɔbɔ mpae a, ebetumi akyerɛ obu a woyi adi kyerɛ bere a wɔde aseda ba Onyankopɔn anim.​—1 Ahene 8:14, 22, 23.

Nanso ɛsɛ sɛ yɛte ase sɛ Bible no kyerɛ sɛ yebetumi abɔ mpae anaasɛ yɛato Yehowa ayeyi dwom wɔ gyinabea biara mu. (Fa toto Luka 22:39-41; Asomafo no Nnwuma 16:24, 25 ho.) Enti, mmara biara nni eyi ho. Sɛ obi akwahosan anaa ne nsɛm tebea ma ɛyɛ nea ɛfata ma no sɛ ɔtra ase bere a asafo no reto dwom anaa bere a wɔrebɔ mpae a, ɛnyɛ bɔne. Mpɛn pii no Kristofo tra ase bere a wɔrebɔ mpae wɔ Asafo Nhoma Adesua horow ase, wɔ ofie Bible adesua ase ne adidi ase.

February Da Biara Da Asɛm

(Wopɛ nsɛm a wɔahyehyɛ awie no a, hwɛ nhoma no mu)