Asemmisa Afã

● Nneɛma bɛn na ɛsɛ sɛ wosusuw ho bere a wɔrepaw afie a wɔbɛyɛ nhoma adesua wom no?

Hokwan fɛfɛ bɛn ara na ɛyɛ sɛ wɔbɛyɛ Asafo Nhoma Adesua wɔ obi fi! Nhoma adesua kuw no yɛ asafo no fa na yebu no sɛ nhyehyɛe a Yehowa ayɛ ma wɔde akyerɛkyerɛ ne nkurɔfo no fã ma ɛfata. Ɛtɔ bere bi a wohia mmeae afoforo esiane kwan a enni afie binom mu bio anaa nnipa no a wɔapae wɔn mu nti. Ɛsɛ sɛ obiara a ɔwɔ asafo no mu a ɔpɛ sɛ ɔde ne fi ma sɛ nhoma adesuabea no bɔ mpanyimfo no amanneɛ. Sɛ wɔamfa wo fi no mpo a, wubetumi anya ahotoso sɛ wɔn ani sɔ nea woayɛ no kɛse.

Bere a wɔasusuw beae no ye a eye ho akyi no, ɛsɛ sɛ mpanyimfo susuw asomdwoe a wobenya wɔ hɔ nso ho. Bere a moapaw mmeae a eye no, monyɛ nhyehyɛe na monhyɛ anuanom nkuran na wɔmmom nnantew mmra sɛnea ɛbɛyɛ a wɔbɛboa wɔn ho wɔn no. Yɛda anuanom ase bere nyinaa wɔ mmeae a wotumi de ma no ho. Ɛsɛ sɛ wɔde atɛmpa di dwuma na wɔhwɛ sɛ Asafo Nhoma Adesua horow no wɔ mmeae a eye sɛnea ebetumi.

Ani sɔ ofie a emu tew na biribiara kɔ so pɛpɛɛpɛ bere nyinaa. Sɛ akanea ne mframa wɔ hɔ sɛnea ɛsɛ a, eye. (Aso. 20:8) Ɛsɛ sɛ abusua a wɔn fi na wohyia no yɛ nhwɛso pa. Eye sɛ morenhyiam wɔ ofie a ebetumi aba sɛ mubehyia obi a wɔatu no anaasɛ ɔsɔre tia nokware no wom mu. Afei nso, ahosiesie ho taa hia dapɛn biara ansa na adesua no afi ase, sɛ ebia nkongua a wɔbɛhyehyɛ, na yɛn ani sɔ wɔn a wodi nneɛma a ɛho hia yi ho dwuma no.