Kae sɛ Wode Brochure Ahorow Bedi Dwuma

Sɛ yɛredi adanse wɔ afie afie anaa bɔnnɔ so a, nkɔmmɔbɔ no taa dan yɛ asɛm bi a yɛn brochure ahorow fɛfɛ no biako ka ho asɛm. Ɛsɛ sɛ obiara ma eyi tra n’adwenem titiriw bere a ɔde Ɔwɛn-Aban ne Nyan! di dwuma wɔ May ne June mu no. Sɛ wofa brochure pii a ɛsono emu biara ka nsɛmma nhoma a wode bedi dwuma wɔ ɔsom adwuma no mu ho a, wubenya nea ehia sɛ wode ma na woadi adanse a etu mpɔn. Wɔ May ne June mu no, fa brochure biara (gye Sukuu brochure no) di dwuma ka nsɛmma nhoma a wode bedi dwuma no ho anaa fa si ananmu.—Fa toto Mmebusɛm 15:23 ho.