Nea Yɛbɛka Afa Nsɛmma Nhoma Ho

Ɔwɛn-Aban Mar. 15

“So wunnye ntom sɛ, trenee nniso bɛma asase yi so tra ayɛ dɛ? [Ma ommua.] Mesrɛ sɛ hyɛ nea Bible hyɛ ho bɔ no nsow. [Kenkan Dwom 37:11.] Yebetumi anya asomdwoe a ɛte saa a ɛbɛba ankasa wɔ Ɔkannifo pa a wɔbɔ ne din wɔ nsɛm yi mu no ase.”

Nyan! Apr. 8

“Asasewosow betumi akunkum nnipa pii na asɛe nneɛma. Mpɛn pii no, wɔn a wonya nkwa no nnya baabi ntra, na wonni nea ɛbɛma wɔanya nea wɔahwere no bio. Saa Nyan! yi kyerɛ sɛnea nnipa a asasewosow ma wɔhweree wɔn asetrade no atumi agyina nea ɛbae wɔ akyi no ano. Ɛkyerɛkyerɛ sɛnea asasewosow nso yɛ Bible nkɔmhyɛ titiriw bi no mu.”

Ɔwɛn-Aban Apr. 1

“Ma menka Bible mu asɛm bi a ɛka koma nkyerɛ wo. [Kenkan Mateo 22:37.] Wususuw sɛ ɛkyerɛ dɛn? [Ma ommua.] Hyɛ asɛm a ɛne ‘Fa Wo Koma ne W’adwene Hwehwɛ Onyankopɔn’ yi nsow. So nokware gyidi yɛ komam ade kɛkɛ, anaasɛ adwene no nso wom bi? Mmuae no ma yehu nea ɛkyerɛ no yiye.”

Nyan! Apr. 8

“Sɛnea wunim no, ɛnnɛ ɛyɛ den sɛ wobɛhwɛ abusua, na yɛ a obi bɛyɛ ɛna no yɛ adwuma a ɛnna fam. Saa Nyan! yi ka asɛm, ‘Ɔbaatanyɛ—So Ɛhwehwɛ Ɔbea a Ɔyɛ Soronko?’ ho anigyesɛm bi. Mepɛ sɛ mede eyi ma wo.”