Nea Yɛbɛka Afa Nsɛmma Nhoma Ho

Ɔwɛn-Aban Oct. 1

“So woabisa wo ho pɛn sɛ, ‘Sɛ Onyankopɔn yɛ ɔdɔ ne tumi nyinaa wura a, dɛn nti na ɔmfa ne ho nnye wɔn a wɔrehu amane no nsɛm mu?’ [Twɛn ma ommua.] Ɛrenkyɛ ɔbɛma ɔhaw ahorow nyinaa aba awiei. [Kenkan Yesaia 65:17.] Sɛnea nsɛmma nhoma yi kyerɛ no, ansa na ɛno bɛba no, Onyankopɔn nyɛ anibiannaso wɔ amane a yehu no ho.”

Nyan! Oct. 8

“So woate sɛ ayɛ den ama akuafo pii sɛ wɔbɛkɔ so ayɛ kua anya wɔn asetrade? [Twɛn ma ommua.] Nyan! yi susuw ɔhaw yi ne Bible no bɔhyɛ a ɛfa mmere pa a ɛwɔ yɛn anim no ho. [Kenkan Dwom 72:16.] Sɛ mesan ba wo nkyɛn a, mɛpɛ sɛ mɛkyerɛ wo ɔkwan a Onyankopɔn bɛfa so ayɛ eyi no.”

Ɔwɛn-Aban Oct. 15

“Gyinae a yesisi no pii nya yɛn asetra so nkɛntɛnso daa. Dɛn na ebetumi aboa ma yɛakwati gyinaesi a nyansa nnim? [Twɛn ma ommua. Afei kenkan Mmebusɛm 3:6.] Saa Ɔwɛn-Aban yi ma yehu akwankyerɛ ahorow anum a egyina Bible so a ebetumi aboa yɛn ma yɛasisi gyinae pa.”

Nyan! Nov. 8

“So woahyɛ no nsow sɛ mpɛn pii na yɛte sɛ yare mmoawa bi wɔ hɔ a nnuru ntumi wɔn? [Twɛn ma ommua.] Nsɛmma nhoma yi pɛɛpɛɛ nea enti a ɛte saa ne nea yebetumi ayɛ de abɔ yɛn ho ban no mu. Esusuw Bible bɔhyɛ a ɛne sɛ wiase bi bɛba a obiara nyare bio nso ho.” Kenkan Yesaia 33:24.