Nea Yɛbɛka Afa Yɛn Nsɛmma Nhoma no Ho

Ɔwɛn-Aban July 1

“So woasusuw nea enti a abusua anaa ɔman a nkurɔfo fi mu anaa kasa a wɔka nti wɔyɛ wɔn ayayade no ho pɛn? [Twɛn ma ommua.] Hwɛ nea enti a ɛte saa. [Kenkan 1 Yohane 4:20.] Nsɛmma nhoma yi bua asɛmmisa a ɛne, So mmusua ahorow betumi ayɛ biako?”

Awake! July

“Esiane sɛ nnipa nte sɛ mmoa a wofi nkate mu yɛ ade nti, wotumi paw gyinapɛn a wɔde bɛbɔ wɔn bra. Wususuw sɛ ɛhe na yebetumi anya akwankyerɛ a edi mũ? [Twɛn ma ommua. Afei kenkan Dwom 119:105.] Nsɛmma nhoma yi kyerɛkyerɛ nea enti a akwankyerɛ a yehu wɔ Bible mu no yɛ papa sen akwankyerɛ afoforo no mu.”

Ɔwɛn-Aban July 15

“Yɛn adɔfo wu betumi ama yɛadi awerɛhow paa. Wususuw sɛ biribi hyɛ wɔn mu a ɛkɔ so tra ase bere a wɔawuwu no? [Twɛn ma ommua.] Yesu kaa asɛm a ɛhyɛ nkuran yi. [Kenkan Yohane 5:28, 29.] Esiane sɛ Yesu kae sɛ owusɔre “reba” nti, nsɛmma nhoma yi fi Bible mu kyerɛkyerɛ mu ma yehu baabi a awufo wɔ seesei.”

Awake! July

“Nnipa pii bɔ mmɔden sɛ wɔbɛyɛ nea wobetumi biara abɔ bra pa, na wɔte nka sɛ onipa pa a obi bɛyɛ no ho hia. Saa na wobɔ wo bra? [Twɛn ma ommua.] Sɛ sɛnea yɛte papa ase no ne Onyankopɔn adwene nhyia a, hwɛ asiane a ɛwom. [Kenkan Mmebusɛm 14:12.] Asɛm yi ka nea ɛma obi yɛ onipa pa wɔ Onyankopɔn ani so ho asɛm.” Fa asɛm a ɛwɔ kratafa 20 no kyerɛ no.