Asɛmmisa Afã

◼ So ɛfata sɛ yɛbɛbɔ yɛn ankasa address a yɛnam kɔmputa so de di nkitaho (e-mail address) no agu nhoma a yɛde ma no so?

Adawurubɔfo binom bɔ wɔn ankasa address a wɔnam kɔmputa so de di nkitaho no gu nsɛmma nhoma anaa nkratawa a wɔde ma afoforo no so anaa wɔkyerɛw wɔ kratasin bi so de tare so. Sɛ wɔn a wogye nhoma no hia nsɛm afoforo a, eyi ma wotumi hu ɔdawurubɔfo no. Mmɔden a ɛte saa a wɔbɔ de boa wɔn a wɔkyerɛ asɛm no ho anigye no ye paa. Nanso yɛn Intanɛt dwumadibea no address wɔ nsɛmma nhoma ne nkratawa no akyi dedaw. Enti eye paa sɛ yɛremmɔ yɛn ankasa address a yɛnam kɔmputa so de di nkitaho no ngu nhoma so.

Sɛ́ ɔdawurubɔfo bi bɛkyerɛw n’ankasa address agu kratasin foforo so de ama nnipa a wɔwɔ n’asasesin mu anaa ɔrenyɛ saa titiriw bere a ɔreyɛ sankɔhwɛ no, yɛ n’ankasa asɛm. Ɛsɛ sɛ yefi yɛn pɛ mu san kɔ wɔn a wɔkyerɛ asɛm no ho anigye no nkyɛn mmom sen sɛ yebegyaw ama wɔn sɛ sɛ wohia nsɛm afoforo a, wommehu yɛn. Sɛ yɛkɔ onipa no nkyɛn ne no kɔkasa a, ɛno bɛkyerɛ sɛ yedwen ne ho paa.