Nea Yɛbɛka Afa Yɛn Nsɛmma Nhoma Ho

The Watchtower April 1

“Nnipa binom gye di sɛ nkrabea na ɛkyerɛ nea yɛbɛyɛ daakye, na afoforo nso susuw sɛ yɛn ankasa na yɛpaw nea yɛbɛyɛ. Wudwen ho dɛn? [Twɛn ma ommua.] Tie asɛm a ɛkanyan adwene yi. [Kenkan Ɔsɛnkafo 9:11.] Nsɛmma nhoma yi ma yehu nea Bible ka fa asɛmmisa a ɛne sɛ ‘So wɔahyɛ nea yɛbɛyɛ daakye ato hɔ?’ no ho.” Fa asɛm a ɛwɔ kratafa 26 no kyerɛ no.

Awake! April

“Aware pii gu esiane nokware a awarefo no nni nti. Wususuw sɛ kyerɛwsɛm yi a wɔde bedi dwuma no betumi aboa ma wɔn aware agyina? [Kenkan Mateo 5:28. Afei Twɛn ma ommua.] Nsɛmma nhoma yi nam Bible no so boa awarefo ma wɔkwati nea ɛde awaresɛe ba.” Fa asɛm a ɛwɔ kratafa 28 no kyerɛ no.

The Watchtower May 1

“Wususuw sɛ dɛn na ebetumi ama ayɛ den sɛ obi begye Onyankopɔn adi? [Twɛn ma ommua.] Kyerɛwsɛm yi ma yehu sɛ gyidi ho hia. [Kenkan Hebrifo 11:6.] Nsɛmma nhoma yi kyerɛkyerɛ akwan anan a yebetumi afa so ahyɛ yɛn gyidi den mu.”

Awake! May

“Ɛnnɛ, nnipa pii de nnuru redi dwuma ɔkwammɔne so. Wohwɛ a, dɛn nti na ɛte saa? [Twɛn ma ommua.] Bible ma yehu ade titiriw a enti mmofra na wɔtaa yɛ saa no. [Kenkan Mmebusɛm 13:20.] Nsɛmma nhoma yi ma yehu sɛnea wubetumi abɔ wo ne w’abusua ho ban afi ɔhaw yi ho.”