Nea Yɛbɛka Afa Yɛn Nsɛmma Nhoma Ho

The Watchtower December 1

“Afe biara edu saa bere yi a, nnipa pii yɛ Yesu awo a ɛwɔ Bible mu yi ho mfonini. [Kenkan Mateo 2:1, 11.] Wuhu nsonsonoe a ɛwɔ nea Bible no ka ne mfonini a wɔyɛ no ntam? [Twɛn ma ommua.] Nsɛmma nhoma yi kyerɛkyerɛ nea esii ankasa mu.” Fa asɛm a ɛwɔ kratafa 31 no kyerɛ no.

Awake! December

“Mepɛ sɛ mihu w’adwene wɔ asɛm a Yesu kae yi ho. [Kenkan Mateo 5:3.] Esiane sɛ ɔsom ahorow pii wɔ hɔ nti, wususuw sɛ nea yɛbɛpaw biara betumi ama yɛanya honhom fam ahiade? [Twɛn ma ommua.] Nsɛmma nhoma yi kyerɛ sɛnea Bible no ma yenya honhom fam ahiade ankasa.” Fa asɛm a ɛwɔ kratafa 12 no kyerɛ no.

The Watchtower January 1

“Nyamesomfo pii adwene nhyia wɔ nsanom ho. Wususuw sɛ Onyankopɔn bu nsa a obi bɛnom no dɛn? [Twɛn ma ommua.] Ɛwom sɛ Bible no ka sɛ bere bi Yesu maa nsu danee nsa de, nanso tie nea ɛsan ka wɔ ha. [Kenkan Mmebusɛm 23:20.] Bible kura adwene a ɛkari pɛ wɔ asɛm yi ho, na nsɛmma nhoma yi kyerɛkyerɛ mu.”

Awake! January

“Adwuma afono nnipa pii ma wɔahaw wɔ mmere a emu yɛ den yi mu. Woate nka saa pɛn? [Twɛn ma ommua.] Hyɛ afotusɛm a nyansa wom yi nsow. [Kenkan Ɔsɛnkafo 4:6.] Nsɛmma nhoma yi ka sɛnea yebetumi akari pɛ wɔ adwuma, abusua, ne ahomegye mu. Ɛde nyansahyɛ nso ma wɔn a wɔrehwehwɛ adwuma ayɛ no.”